தமிழ் அகப்படு யின் அர்த்தம்

அகப்படு

வினைச்சொல்

  • 1

    பிடிபடுதல்; சிக்குதல்; மாட்டுதல்.

    ‘திருடன் கையும்களவுமாக அகப்பட்டுக்கொண்டான்’
    ‘வண்டிச் சக்கரத்தின் கீழ் அகப்பட்டு அவள் நசுங்க இருந்தாள்’
    ‘கொலை வழக்கில் என் தம்பி அகப்பட்டுக்கொண்டு தவிக்கிறான்’

  • 2

    (தன்னிச்சையாக அல்லது தானாக வருவதுபோல) கிட்டுதல்; கிடைத்தல்.

    ‘பைக்குள் கை விட்டு அகப்பட்ட சில்லறையை எடுத்துப் பிச்சைக்காரிக்குப் போட்டான்’
    ‘பேச்சுத் துணைக்கு ஒருவர் அகப்பட்டார்’

  • 3

    (மறைவாக இருந்தது அல்லது மறைத்துவைக்கப்பட்டிருந்தது) கிடைத்தல்.

    ‘கிணறு தோண்டிய இடத்தில் சிலை அகப்பட்டது’
    ‘காவல்துறையினர் அந்த வீட்டைச் சோதனையிட்டபோது நிறைய திருட்டுச் சாமான்கள் அகப்பட்டன’