அட்டை-க்காக தமிழ்

இல் உள்ள முக்கிய விளக்கங்கள் : அட்டை1அட்டை2

அட்டை1

பெயர்ச்சொல்

  • 1

    வார இதழ், புத்தகம் முதலியவற்றின் (படத்தை அல்லது தலைப்பைத் தாங்கிய) முன்பக்க, பின்பக்கத் தாள்.

    ‘வார இதழ்களின் அட்டைகளில் எப்போதும் நடிகைகள் படம்தான்!’

  • 2

    புத்தகம் முதலியவற்றைப் பாதுகாக்க அதன் மேல் போடப்படும் (பழுப்பு நிற) தாள்.

    ‘பாடப் புத்தகங்களுக்கு அட்டை போட்டு முடித்தான்’

  • 3

    (எழுதும்போது காகிதங்களை வைத்துக்கொள்ளப் பயன்படும்) அளவில் பெரிய கெட்டித் தாள்.

    ‘கையில் அட்டையோடு சிறுவர்கள் தேர்வு நடக்கும் அறைக்குப் போனார்கள்’

  • 4

    ஊர்வலம் முதலியவற்றில் கையில் எடுத்துச் செல்லும் ஏதேனும் செய்தி எழுதிய, சற்றுத் தடித்த துண்டுத்தாள்.

    ‘மதுவிலக்குப் பிரச்சார அட்டைகளை ஏந்தி ஊர்வலம் சென்றனர்’
    ‘திரைப்பட விளம்பர அட்டைகள்’

  • 5

    (மாத்திரைகள் பாதுகாப்பாகப் பொதிந்திருக்கும்) கனத்த பிளாஸ்டிக் தாள்.

    ‘ஒவ்வொரு அட்டையிலும் 30 மாத்திரைகள் உள்ளன’
    ‘மாத்திரைகளின் விவரங்களை அட்டைகளில் தமிழில் அச்சிட வேண்டும் என்று அவர் கோரினார்’

  • 6

    (விவரங்கள்) அச்சிடப்பட்ட தடித்த துண்டுத் தாள்.

    ‘பத்திரிகை நிருபர் என்று கூறி அட்டையைக் கொடுத்தார்’
    ‘ஓட்டல் மேஜைமேல் இருந்த அட்டையை உன்னிப்பாகப் படிக்க ஆரம்பித்தார்’

  • 7

    பெட்டிகள் செய்யப் பயன்படும் கெட்டியான தாள்.

    ‘அட்டைப் பெட்டி’
    ‘விநாயகர் உருவம் வரைந்த அட்டை’

அட்டை-க்காக தமிழ்

இல் உள்ள முக்கிய விளக்கங்கள் : அட்டை1அட்டை2

அட்டை2

பெயர்ச்சொல்

  • 1

    மனிதர்கள், விலங்குகள்மீது ஒட்டிக்கொண்டு இரத்தத்தை உறிஞ்சும், ஈர நிலத்தில் வாழும் ஒரு சிறிய கரும்பழுப்பு நிற உயிரினம்.

    உரு வழக்கு ‘மக்களின் உழைப்பை உறிஞ்சி வாழும் அட்டைகளாகப் பலர் இருக்கிறார்கள்’