தமிழ் அண்டு யின் அர்த்தம்

அண்டு

வினைச்சொல்

  • 1

    (ஒருவரை) அணுகுதல்; நெருங்குதல்; (ஒன்று) வந்துசேர்தல்.

    ‘தீமை எதுவும் அவளை அண்டாது’
    ‘இப்படி ஊட்டமில்லாத சாப்பாடு சாப்பிட்டால் நோய் அண்டத்தான் செய்யும்’
    ‘நூலகத்தைத் தொடங்க ஊரில் உள்ள பெரிய மனிதர்களை அண்டி உதவி கேட்டேன். ஆனால் யாரும் உதவ முன்வரவில்லை’

  • 2

    சார்ந்திருத்தல்.

    ‘ஆண்களை அண்டி வாழும் பெண்களின் நிலைமை மாற வேண்டும்’

  • 3

    பாதுகாப்பான இடத்தில் ஒதுங்குதல்.

    ‘வெயில் கொளுத்துகிறது; அண்ட நிழல் இல்லை’

  • 4

    இலங்கைத் தமிழ் வழக்கு (‘அண்டாது’ என்ற எதிர்மறை வடிவத்தில் மட்டும்) கட்டுப்படியாதல்.

    ‘அவனுக்குச் சாப்பாடு போட்டு அண்டாது’
    ‘என் மகனுக்குக் காசு கொடுத்து அண்டாது’