தமிழ் அரைகுறை யின் அர்த்தம்

அரைகுறை

பெயர்ச்சொல்

  • 1

    (ஒன்றின்) முழுமையற்ற அல்லது முடிவு பெறாத நிலை.

    ‘புத்தகம் வெளிவராமல் அரைகுறையாகக் கிடக்கிறது’
    ‘அரைகுறைத் தூக்கக் கலக்கத்தில் இருந்தான்’
    ‘அரைகுறை வேலை எனக்குப் பிடிக்காது’

  • 2

    (ஒன்றைச் செய்வதில்) முழு மனத்தோடு ஈடுபடாத நிலை.

    ‘அரைகுறையான மனத்துடன் எந்தக் காரியத்தையும் செய்யாதே’

  • 3

    (ஒன்றில்) குறைவான தேர்ச்சி.

    ‘சங்கீதத்தில் அவன் ஒரு அரைகுறை’
    ‘அரைகுறைப் படிப்பு எதற்கும் உதவாது’
    ‘அவர் அரைகுறை ஆங்கிலத்தில் பேசினார்’

  • 4

    (காதால் கேட்பதைக் குறித்து வரும்போது) முழுமையாகச் செவிப் புலனுக்கு எட்டாதது.

    ‘நான் அரைகுறையாகக் கேட்டதையே உனக்குச் சொல்கிறேன்’