தமிழ் அழுத்தம் யின் அர்த்தம்

அழுத்தம்

பெயர்ச்சொல்

  • 1

    உறுதி.

    ‘கடிதத்தில் முத்திரை அழுத்தமாக விழுந்திருந்தது’
    ‘மருத்துவர் அழுத்தமான குரலில் ‘உண வில் கட்டுப்பாடு வேண்டும்’ என்றார்’
    உரு வழக்கு ‘அவர்களுக்கிடையே இருந்த அழுத்தமான நட்பு’

  • 2

    (வண்ணங்களைக் குறிக்கும்போது) அடர்த்தி.

    ‘திரைச்சீலைகளின் அழுத்தமான வண்ணங்கள். கோடைக் காலத்தில் அழுத்தமான வண்ணங்களில் உடைகள் அணிவதைத் தவிர்ப்பது நல்லது’

  • 3

    (பேச்சில் அல்லது எழுத்தில் முக்கிய விஷயத்துக்குத் தரப்படுகிற) வலிவு.

    ‘பேச்சில் எங்கே எப்போது அழுத்தம் கொடுக்க வேண்டும் என்று அவருக்குத் தெரியும்’

  • 4

    தன் கருத்தை எளிதில் வெளிவிடாத தன்மை.

    ‘ஆள் சற்று அழுத்தம்தான்’
    ‘பெண்களில் இப்படி ஓர் அழுத்தக்காரியைப் பார்க்கவே முடியாது’

  • 5

    தெளிவு.

    ‘செய்யுளை அழுத்தமான உச்சரிப்புடன் படித்தாள்’
    ‘அவர் ஆலாபனையில் வெளிப்பட்ட அழுத்தமான சங்கதிகள் எல்லோரையும் கவர்ந்தன’

  • 6

    முழுமை; ஆழம்.

    ‘இளம் வயதிலேயே அழுத்தமான புலமையைப் பெற்றிருந்தார்’
    ‘சங்க இலக்கியத்தில் அழுத்தமான தேர்ச்சி உடையவர்’
    ‘அழுத்தமான கதையம்சம் உள்ள படத்தில் நடிக்கவே எனக்கு விருப்பம்’

  • 7

    இயற்பியல்
    நிறை அல்லது விசை ஒரு பரப்பின் மேல் செலுத்தும் தாக்கம்.

    ‘நீராவியின் அழுத்தம் அதிகரித்ததால்தான் இந்தக் கண்ணாடிக் குடுவை வெடித்தது’