தமிழ் ஆட்டம் யின் அர்த்தம்

ஆட்டம்

பெயர்ச்சொல்

  • 1

    குலுக்கலுடன் கூடிய அசைவு.

    ‘அவர் முகத்தில் வியர்வை; உடம்பில் ஆட்டம், குடித்திருப்பாரோ?’
    ‘வண்டியின் ஆட்டத்தில் தூக்கம் வந்துவிட்டது’

  • 2

    நடனம்.

    ‘கதகளி கலைநயம் பொருந்திய ஆட்டம்’

  • 3

    விளையாட்டு.

    ‘கால்பந்தாட்டம்’
    ‘சீட்டாட்டம்’

  • 4

    விளையாட்டை ஆடும் முறை அல்லது கடைப்பிடிக்கும் உத்திகள் போன்றவை.

    ‘இன்றைய ஆட்டத்தில் அவருடைய வழக்கமான திறமை வெளிப்படவில்லை’
    ‘இன்று உன் ஆட்டம் மிகப் பிரமாதம்’
    ‘டெண்டுல்கரின் ஆட்டத்தில்தான் வேகப்பந்தை எப்படி விளையாடுவது என்பது தெரியும்’

  • 5

    (விளையாட்டில்) ஒருவருடைய முறை.

    ‘இப்போது உன்னுடைய ஆட்டம்தான், விளையாடு!’

  • 6

    (டென்னிஸ் போன்ற விளையாட்டுகளில் புள்ளிகளுக்கான) அடிப்படை அலகு.

    ‘டேவிஸ் கோப்பைப் போட்டியில் இந்தியா இரண்டாவது செட்டிலும் மூன்று ஆட்டங்களை வென்று வலுவான நிலையில் இருக்கிறது’

  • 7

    (பிறர் விரும்பாத அல்லது அங்கீகரிக்காத) அடக்கமில்லாத ஆர்ப்பாட்டமான நடத்தை.

    ‘இளமையில் அவர் ஆடாத ஆட்டமா?’
    ‘அதை வாங்கித்தா, இதை வாங்கித்தா என்று சொல்லி ஆட்டமா போடுகிறாய்?’

  • 8

    (திரையரங்கத்தில்) படக்காட்சி.

    ‘இரண்டாவது ஆட்டம் பார்த்துவிட்டு வந்து தூங்குகிறான்’
    ‘அந்தக் காலத்தில் எம்.ஜி.ஆர் படம் வெளியானால் முதல் நாளே முதல் ஆட்டமும் இரண்டாம் ஆட்டமும் பார்த்துவிட்டுதான் வருவேன்’