தமிழ் ஆட்டு யின் அர்த்தம்

ஆட்டு

வினைச்சொல்

  • 1

    (ஒன்றை) அசைத்தல்.

    ‘நாய் வாலை ஆட்டியபடியே அருகில் வந்தது’
    ‘அவர் குழந்தைகளைப் பார்த்துக் கையை ஆட்டினார்’
    ‘சரி என்று தலையை ஆட்டினான்’
    ‘ஏணியை ஆட்டாமல் கீழே இறங்கி வா’

  • 2

    உலுக்குதல்; குலுக்குதல்.

    ‘குதிரைமேல் சேணத்தை வைத்துக் கட்டிவிட்டு ஆட்டிப்பார்த்தான்’
    ‘காசு இருக்கிறதா என்று உண்டியலை ஆட்டிப்பார்த்தான்’
    ‘புளிய மரத்தின் கிளையை ஆட்டியதும் சடசடவென்று புளியம்பழங்கள் கீழே விழுந்தன’

  • 3

    (ஊஞ்சல், தொட்டில் போன்றவற்றை) முன்னும் பின்னுமாகப் போய்வரச்செய்தல்.

    ‘ஊஞ்சலில் உட்கார்ந்து அதைக் காலால் ஆட்டிக்கொண்டே பேச ஆரம்பித்தார்’

  • 4

    (இயந்திரத்தில் இட்டுக் கரும்பு முதலியவற்றை) பிழிதல்/(இயந்திரத்தில் மாவு முதலியவற்றை) அரைத்தல்.

    ‘கரும்பு ஆட்டிவிட்டீர்களா?’
    ‘எண்ணெய் ஆட்டும் செக்கு’
    ‘தோசைக்கு மாவு ஆட்ட வேண்டும்’