ஆள்-க்காக தமிழ்

இல் உள்ள முக்கிய விளக்கங்கள் : ஆள்1ஆள்2

ஆள்1

வினைச்சொல்

  • 1

    ஆட்சிசெய்தல்.

    ‘ஆங்கிலேயர் நம் நாட்டை ஆண்டுவந்தபோது நடந்த சம்பவம் இது’

  • 2

    மேலாதிக்கம் செலுத்துதல்.

    ‘ஆண்கள் ஆளப் பிறந்தவர்கள், பெண்கள் அடங்கப் பிறந்தவர்களா?’
    ‘உலகையே ஆள முனையும் பன்னாட்டு நிறுவனங்கள்’

  • 3

    உயர் வழக்கு (சொல் முதலியவற்றை) பயன்படுத்துதல்.

    ‘‘துப்பு’ என்ற சொல்லை வள்ளுவர் பல பொருளில் ஆண்டிருக்கிறார்’
    ‘எல்லா நேரத்திலும் ஆளக்கூடிய ராகம் இது’

  • 4

    (சொத்து, செல்வம், சுகம் முதலானவற்றை) அனுபவித்தல்.

    ‘வேண்டிய செல்வம் இருந்தாலும் அதை ஆள்வதற்குக் கொடுத்துவைக்க வேண்டும்’

ஆள்-க்காக தமிழ்

இல் உள்ள முக்கிய விளக்கங்கள் : ஆள்1ஆள்2

ஆள்2

பெயர்ச்சொல்

  • 1

    வயதுவந்த ஆண்.

    ‘வாட்டசாட்டமான ஆள்’
    ‘ஆளை மயக்கும் அவளுடைய அழகு’

  • 2

    (ஆண் அல்லது பெண் என்னும் வேறுபாடு இல்லாத சூழ்நிலையில்) நபர்.

    ‘வீட்டு வேலைக்கு ஓர் ஆள் வைத்திருக்கிறோம்’
    ‘இந்த வீட்டில் நான் பட்டினி கிடந்தாலும் ஏன் என்று கேட்க ஆள் கிடையாது’
    ‘ரயில் விபத்தில் ஆள் சேதம் அதிகம்’

  • 3

    (ஏதேனும் ஓர் அளவுக்காகக் கூறும்போது) சராசரி நபர்.

    ‘ஆள் உயர மாலை’
    ‘ஓர் ஆள் அளவு ஆழம்’

  • 4

    (கூலிக்கு அல்லது சம்பளத்துக்கு) வேலை செய்யும் நபர்.

    ‘ஆள் வைத்துதான் குப்பையை அள்ளிப்போட வேண்டும்’
    ‘நாளைய நடவுக்குப் பத்து ஆள் தேவைப்படும்’

  • 5

    (‘ஆளுக்கு’ என்னும் வடிவம் மட்டும்) ஒருவருக்கு; தலைக்கு.

    ‘வேலையாட்கள் ஆளுக்குப் பத்து செங்கல் எடுத்துக்கொண்டார்கள்’