இடி -க்காக தமிழ்

இல் உள்ள முக்கிய விளக்கங்கள் : இடி1இடி2இடி3இடி4இடி5

இடி1

வினைச்சொல்

  • 1

    (கட்டப்பட்ட அமைப்பு) உடைதல்; தகர்தல்.

    ‘பாலம் இடிந்து விழும் நிலையில் இருக்கிறது’
    ‘இவ்வளவு மழை பெய்தும் இந்த மண் சுவர் இடியவில்லை’

  • 2

    மனம் உடைதல்; செயலற்றுப்போதல்.

    ‘எத்தனை நாளைக்கு இப்படி இடிந்துபோய் உட்கார்ந்திருப்பாய்; மனத்தைத் தேற்றிக்கொள்’
    ‘தொழிற்சாலை ஆரம்பிப்பதில் ஒன்றன் பின் ஒன்றாகப் பிரச்சினைகள் வந்தாலும் அவர் மனம் இடிந்துவிடாமல் முனைப்போடு செயல்பட்டார்’

  • 3

    (நெல்லை அரைக்கும்போது அரிசி) உடைதல்.

    ‘நெல்லை அவிக்கும்போது போதுமான வெப்பம் இல்லாவிட்டால் அரைக்கும்போது அரிசி இடிந்துவிடும்’

  • 4

    (குத்தப்படுவதன் மூலம் அரிசி முதலியன) மாவாக ஆதல்.

    ‘அரிசி சரியாக இடியவில்லை’

இடி -க்காக தமிழ்

இல் உள்ள முக்கிய விளக்கங்கள் : இடி1இடி2இடி3இடி4இடி5

இடி2

வினைச்சொல்

  • 1

    (கட்டடம், பாலம் முதலியவற்றைத் தேவையான கருவிகளைக் கொண்டு) உடைத்தல்; தகர்த்தல்.

    ‘போக்குவரத்துக்கு இடைஞ்சலாக இருந்த கடை இடிக்கப்பட்டது’
    ‘பாம்புப் புற்றை இடிக்கக் கடப்பாரை வேண்டுமா?’

  • 2

    (அரிசி, பருப்பு போன்றவற்றை உலக்கையால் குத்தி மாவு) தயாரித்தல்.

    ‘அப்பளத்துக்கு மாவு இடிக்கிறார்கள்’

  • 3

    (ஒன்றை அல்லது ஒருவரைக் கீழே தள்ளுவதுபோல்) மோதுதல்.

    ‘பேருந்து வந்ததும் இடித்துத் தள்ளிக்கொண்டு ஏறினார்கள்’
    ‘அலமாரியைச் சாய்த்துக் கொண்டுவந்தும் கதவில் இடித்துவிட்டது’
    ‘மேஜையின் முனை காலில் இடித்து இரத்தமே வந்துவிட்டது’

  • 4

    (பக்கவாட்டில்) குத்துதல்.

    ‘முழங்கையால் அவன் விலாவில் இடித்து அதிகம் பேச வேண்டாம் என்று குறிப்புக் காட்டினேன்’

இடி -க்காக தமிழ்

இல் உள்ள முக்கிய விளக்கங்கள் : இடி1இடி2இடி3இடி4இடி5

இடி3

வினைச்சொல்

  • 1

    (இடி) பேரொலியை எழுப்புதல்.

    ‘இடி இடித்ததில் குழந்தை பயந்துவிட்டது’

இடி -க்காக தமிழ்

இல் உள்ள முக்கிய விளக்கங்கள் : இடி1இடி2இடி3இடி4இடி5

இடி4

பெயர்ச்சொல்

  • 1

    (முழங்கை முதலியவற்றால் பக்கவாட்டில் கிடைக்கும்) குத்து; (தலை முதலியவை ஒன்றில் மோதுவதால் கிடைக்கும்) அடி.

    ‘தண்ணீர் பிடிக்கும் இடத்தில் ஒரே அடி, இடி, தள்ளல்!’
    ‘நிமிர்ந்தபோது தலையில் சரியான இடி. வலி தாங்க முடியவில்லை’

இடி -க்காக தமிழ்

இல் உள்ள முக்கிய விளக்கங்கள் : இடி1இடி2இடி3இடி4இடி5

இடி5

பெயர்ச்சொல்

  • 1

    மழை பெய்யும்போதோ மழை வருவதற்கு அறிகுறியாகவோ சில சமயம் வானத்தில் கேட்கும் (மின்னலுடன் கூடிய) பேரொலி.

    ‘இரவு முழுவதும் இடியும் மின்னலுமாக இருந்தது’

  • 2

    பேரொலியுடன் பூமியில் இறங்கும் மின்னல்.

    ‘இடி விழுந்து பனைமரம் தீப்பற்றி எரிந்தது’