இரை -க்காக தமிழ்

இல் உள்ள முக்கிய விளக்கங்கள் : இரை1இரை2இரை3இரை4

இரை1

வினைச்சொல்

  • 1

    உரத்த குரலில் பேசுதல்.

    ‘ஏன் இப்படி இரைந்து பேசுகிறாய்?’

  • 2

    உரத்த குரலில் திட்டுதல்.

    ‘நான் படிக்காமல் ஊர்சுற்றுவதாக அப்பா இரைந்தார்’
    ‘அனுமதி பெற்றுத்தான் உள்ளே வர வேண்டும் என்று காவல்காரன் இரைந்தான்’

  • 3

    (வயிறு) சத்தமிடுதல்.

    ‘அஜீரணமா என்று தெரியவில்லை, வயிறு இரைகிறது’

  • 4

    உரத்த ஓசை எழுப்புதல்.

    ‘கூட்டில் அடையும் முன் பறவைகள் இரைந்துகொண்டேயிருந்தன’

இரை -க்காக தமிழ்

இல் உள்ள முக்கிய விளக்கங்கள் : இரை1இரை2இரை3இரை4

இரை2

வினைச்சொல்

இலங்கைத் தமிழ் வழக்கு
  • 1

    இலங்கைத் தமிழ் வழக்கு (கண்கள், முகம் போன்றவை) வீங்குதல்.

    ‘இரவு முழுதும் கண்விழித்ததால் கண்கள் இரண்டும் இரைந்துகிடக்கிறது’
    ‘தூக்கம் இல்லாததால் முகம் இரைந்துபோய்விட்டது’

இரை -க்காக தமிழ்

இல் உள்ள முக்கிய விளக்கங்கள் : இரை1இரை2இரை3இரை4

இரை3

வினைச்சொல்

  • 1

    (இயல்பை விட) வேகமாக சுவாசித்தல்; மூச்சுவாங்குதல்.

    ‘வீட்டுக்குள் இரைக்க இரைக்க ஓடி வந்தவனைப் பார்த்ததும் அம்மா பயந்துவிட்டாள்’

  • 2

    (ஆஸ்துமா போன்ற நோயால்) சீரான சுவாசம் தடைபட்டுச் சிரமத்துடன் மூச்சுவிடுதல்; மூச்சுத் திணறுதல்.

    ‘தூசு பட்டாலே அப்பாவுக்கு இரைக்க ஆரம்பித்துவிடும்’

இரை -க்காக தமிழ்

இல் உள்ள முக்கிய விளக்கங்கள் : இரை1இரை2இரை3இரை4

இரை4

பெயர்ச்சொல்

  • 1

    விலங்குகள் அல்லது பறவைகளால் கொன்று தின்னப்படும் பிற உயிரினங்கள்.

    ‘மலைப்பாம்பின் வயிறு புடைத்திருப்பதைப் பார்த்தால் சற்று முன்தான் இரையை விழுங்கியிருக்க வேண்டும் என்று தெரிகிறது’
    ‘பெண் பறவையைக் குஞ்சுகளுக்குப் பாதுகாப்பாகக் கூட்டில் விட்டுவிட்டு ஆண் பறவை இரை தேடுவதற்கு வெளியில் செல்லும்’