தமிழ் உடல் யின் அர்த்தம்

உடல்

பெயர்ச்சொல்

  • 1

    (மனிதனின் அல்லது விலங்கின்) முழு உருவம்; உடம்பு.

    ‘உடல் தசைகள் வளர்ச்சிபெறுவதற்குப் புரதச்சத்து அவசியம்’
    ‘நடிக்கும்போது உடல் அசைவுகளும் குரல் ஒலியும் ஒருங்கிணைய வேண்டும்’
    ‘உருண்டைப் புழுக்களும் தட்டைப் புழுக்களும் உடல் அமைப்பில் வேறுபடுகின்றன’
    ‘அவருக்குச் சிறிய உடல்; பெரிய தலை’

  • 2

    உயிரற்ற உடம்பு; சடலம்.

    ‘தலைவரின் உடல் இன்று மாலை ஊர்வலமாக எடுத்துச் செல்லப்பட்டுத் தகனம் செய்யப்படும்’
    ‘இறந்த யானையின் உடலை வனத்துறையினர் புதைத்தனர்’

  • 3

    முண்டம்.

    ‘தலை வேறு, உடல் வேறாக எதிரியை அவன் வெட்டி எறிந்தான்’
    ‘கோயிலில் அரவானின் உடலற்ற மூன்றடி உயரத் தலை மட்டுமே சிலை வடிவில் வைக்கப்பட்டுள்ளது’