உறுதி-க்காக தமிழ்

இல் உள்ள முக்கிய விளக்கங்கள் : உறுதி1உறுதி2

உறுதி1

பெயர்ச்சொல்

  • 1

    (பொருளின் தன்மையைக் குறிக்கையில்) பலம்; வலிமை.

    ‘இரும்பு போன்று உறுதியான உடல்’
    ‘உறுதியான கட்டடம்’

  • 2

    (கொண்ட கொள்கை, எண்ணம் முதலியவற்றிலிருந்து) மாறாத திடம்; நெகிழாத பிடிப்பு.

    ‘அவர் தாம் கொண்ட கொள்கையில் உறுதியாக இருப்பார், மாற மாட்டார்’
    ‘வாழ்க்கையில் முன்னேறியே தீர்வது என்ற உறுதி சற்றும் தளரவில்லை’

  • 3

    முடிந்த முடிவு; நிச்சயம்.

    ‘என் பணத்தைத் திருடியவன் இவன்தான் என்று உறுதியாகக் கூறினார்’
    ‘இன்று மழை பெய்வது உறுதி’
    ‘அவனது திறமைக்கு விரைவிலேயே வேலை கிடைத்துவிடும் என்பது உறுதி’

  • 4

    வாக்குறுதி; உறுதிமொழி.

    ‘ஒரு மாதத்துக்குள் திருப்பித் தரவேண்டும் என்று உறுதி பெற்றுக்கொண்டு அவன் எனக்குக் கடன் கொடுத்தான்’

உறுதி-க்காக தமிழ்

இல் உள்ள முக்கிய விளக்கங்கள் : உறுதி1உறுதி2

உறுதி2

பெயர்ச்சொல்

இலங்கைத் தமிழ் வழக்கு
  • 1

    இலங்கைத் தமிழ் வழக்கு பத்திரம்; உரிமைச் சாசனம்.

    ‘காணியை விலைபேசியாகிவிட்டது. உறுதி எழுத வேண்டியதுதான்’