ஊது -க்காக தமிழ்

இல் உள்ள முக்கிய விளக்கங்கள் : ஊது1ஊது2

ஊது1

வினைச்சொல்

  • 1

    வாயைக் குவித்துக் காற்றை வெளிப்படுத்துதல்.

    ‘விளக்கை ஊதி அணைத்தான்’
    ‘புத்தகத்தின் மேல் இருக்கும் தூசியைத் துடை, ஊதாதே’
    ‘கரி அடுப்பை ஊதிஊதி வாய் வலிக்கிறது’

  • 2

    (காற்றை ஒன்றினுள்) செலுத்துதல்; நிரப்புதல்.

    ‘பலூனுக்குக் காற்று ஊதிக்கொடு!’

  • 3

    (உடல் அல்லது உடல் உறுப்பு) பெருத்தல்.

    ‘இரண்டு குழந்தை பிறந்தவுடன் அவள் ஊதிப்போய்விட்டாள்’
    ‘அவர் முகம் ஊதிப்போயிருந்தது’
    ‘அடையாளம் தெரியாமல் பிணம் ஊதிப்போயிருந்தது’

  • 4

    ஒலி எழுப்புதல்.

    ‘ரயில் ஒரு முறை ஊதிவிட்டுப் புறப்பட்டது’
    ‘பஞ்சாலையில் சங்கு ஊதும் சத்தம் கேட்கிறது’

  • 5

    (காற்றிசைக் கருவிகளை) வாசித்தல்.

    ‘நாட்டியத்தில் குழல் ஊதுவதுபோல் அபிநயித்தாள்’
    ‘ஒத்து ஊத ஒரு பையன் வேண்டும்’

  • 6

    அருகிவரும் வழக்கு புகைத்தல்.

    ‘தனிமையில் அமர்ந்து பீடி ஊதிக்கொண்டிருந்தான்’

ஊது -க்காக தமிழ்

இல் உள்ள முக்கிய விளக்கங்கள் : ஊது1ஊது2

ஊது2

வினைச்சொல்

வட்டார வழக்கு
  • 1

    வட்டார வழக்கு (ஒருவரைப் பற்றி மற்றவரிடம்) ரகசியமாகக் குறைகூறுதல்; வத்திவைத்தல்.

    ‘என்னைப் பற்றி யாரோ அவரிடம் ஊதியிருக்க வேண்டும். அதனால்தான் அவர் மாறிவிட்டார்’