எழுத்து -க்காக தமிழ்

இல் உள்ள முக்கிய விளக்கங்கள் : எழுத்து1எழுத்து2

எழுத்து1

பெயர்ச்சொல்

  • 1

    (ஒரு மொழியில் உள்ள ஒலிகளுக்குத் தரப்பட்டுள்ள) வரிவடிவம்.

    ‘பிராமி எழுத்துகள்’
    ‘தமிழ் எழுத்துச் சீர்திருத்தம்’

  • 2

    கதை, கட்டுரை, கவிதை போன்றவற்றின் பொதுப்பெயர்; எழுத்தாளரின் நடை.

    ‘என் எழுத்து அனுபவத்தை உங்களோடு பகிர்ந்துகொள்கிறேன்’
    ‘அவருடைய எழுத்தில் மனத்தைப் பறிகொடுத்தவர்கள் பலர்’
    ‘அவருடைய எழுத்து அலாதியானது’

  • 3

    (ஒரு செய்தி, புகார் முதலியவற்றின்) எழுதிய வடிவம்.

    ‘சம்பவத்தைப் பற்றி எழுத்து மூலமாகப் புகார் கொடுத்திருக்கிறீர்களா?’

  • 4

    வட்டார வழக்கு கடிதம்.

    ‘ஊருக்கு எழுத்து போட வேண்டும்’

  • 5

    பேச்சு வழக்கு தலையெழுத்து.

    ‘என்னுடைய எழுத்து இப்படி இருக்கும்போது யாரைப் போய் நோவது?’
    ‘‘அவரவர் எழுத்துப்படிதான் எல்லாம் நடக்கும்’ என்று அவர் சலித்துக்கொண்டார்’

எழுத்து -க்காக தமிழ்

இல் உள்ள முக்கிய விளக்கங்கள் : எழுத்து1எழுத்து2

எழுத்து2

பெயர்ச்சொல்

இலங்கைத் தமிழ் வழக்கு
  • 1

    இலங்கைத் தமிழ் வழக்கு (திருமண) பதிவு.

    ‘நாளைக்கு என் மகளுக்கு எழுத்து. நீங்கள்தான் சாட்சிக் கையெழுத்துப் போட வேண்டும்’