தமிழ் ஏடு யின் அர்த்தம்

ஏடு

பெயர்ச்சொல்

  • 1

    (பொதுவாக) பத்திரிகை; (குறிப்பாக) இதழ்.

    ‘பொது நூலகங்கள் கட்சி ஏடுகளை வாங்குவதில்லை’
    ‘இது ஒரு தரமான இலக்கிய ஏடு’
    ‘நாளேடுகளும் வார ஏடுகளும் பெருகிவிட்டன’

  • 2

    (பத்திரிகை, புத்தகம் முதலியவற்றின்) தாள்.

    ‘அகராதி ஏடுஏடாக வந்துவிட்டது’

  • 3

    சுவடிக் கட்டு அல்லது அந்தக் கட்டில் ஓர் ஓலை.

    ‘பழைய ஏடுகளைப் பரிசோதித்து அவர் இந்த நூலைப் பதிப்பித்தார்’
    ‘ஏடும் எழுத்தாணியும் அநேகமாக மறைந்துவிட்டன’

  • 4

    (பேச்சுக்கு எதிர்மறையாக வரும்போது) எழுத்து; (நடைமுறைக்கு எதிர்மறையாக வரும்போது) எழுதப்பட்டது; நூலில் இடம்பெற்றுள்ளது.

    ‘இது பேச்சு வழக்கில் இல்லை; ஏட்டு வழக்கில் மட்டுமே உள்ளது’
    ‘இது ஏட்டில் எழுதாச் சட்டம்’
    ‘இந்தத் திட்டங்கள் எல்லாம் ஏட்டளவிலேயே உள்ளன’

  • 5

    ஒரு செய்திக்கு ஆதாரமாகும் எழுத்துப் பத்திரம்.

    ‘தினமும் காவல்நிலையத்திற்குச் சென்று ஏட்டில் கையெழுத்திட்டு வர வேண்டும் என்ற நிபந்தனையுடன் வெளியே வந்திருக்கிறார்’

  • 6

    (பால்) ஆடை.

    ‘பாலில் ஏடு படியப்படிய அதை எடுத்துப் பாசந்தி செய்யலாம்’

  • 7

    வட்டார வழக்கு வாழை இலையின் நரம்பை நீளவாக்கில் கிழிப்பதால் பெறும் இலை.

    ‘குழந்தைக்குப் பெரிய இலை வேண்டாம்; ஒரு ஏடு போடு’