ஒலி -க்காக தமிழ்

இல் உள்ள முக்கிய விளக்கங்கள் : ஒலி1ஒலி2

ஒலி1

வினைச்சொல்

  • 1

    ஓசை எழுப்புதல்.

    ‘மெட்டி ஒலிக்க அவள் நடந்து வந்தாள்’
    ‘வகுப்பு முடிவதற்கு அறிகுறியாக மணி ஒலித்தது’
    ‘நாகசுரம் இனிமையாக ஒலித்தது’

  • 2

    (பாடல், இசை முதலியன) கேட்டல்.

    ‘பறையும் தம்பட்டமும் அடிப்பது அவன் காதில் ஒலித்தது’
    ‘பின்னணியில் இசை ஒலிக்க ஆரம்பித்தது’

  • 3

    (எழுத்தையோ சொல்லையோ அதற்கு உரிய) ஓசை முறைப்படி வெளிப்படுத்துதல்; உச்சரித்தல்.

    ‘அவர் ளகரத்தை லகரமாக ஒலித்தது எரிச்சலூட்டியது’

  • 4

    (ஒன்றில் ஒரு குறிப்பிட்ட தன்மை) வெளிப்படுதல்.

    ‘எனது எல்லா நாவல்களிலும் ஆன்மீகம் கொஞ்சம் மேலோங்கியே ஒலிக்கும்’

  • 5

    செல்வாக்கு வெளிப்படுதல்.

    ‘உலக அரங்கில் இந்தியாவின் குரல் ஓங்கி ஒலிக்க வேண்டும்’
    ‘இலக்கிய விமர்சகர்கள் பலர் இருந்தாலும் அவருடைய குரல் மட்டும் தனித்து ஒலிக்கும்’

ஒலி -க்காக தமிழ்

இல் உள்ள முக்கிய விளக்கங்கள் : ஒலி1ஒலி2

ஒலி2

பெயர்ச்சொல்

  • 1

    காதால் கேட்டு உணரக்கூடியது; சத்தம்.

    ‘ஒலி இல்லை என்றால் எதிரொலியும் இல்லை’
    ‘வளையல் ஒலியிலிருந்து பாத்திரம் கழுவுகிறாள் என்பது தெரிந்தது’
    ‘வீணையின் ஒலி’
    ‘சில மொழிகளுக்குச் சில சிறப்பு ஒலிகள் உண்டு’