கடி-க்காக தமிழ்

இல் உள்ள முக்கிய விளக்கங்கள் : கடி1கடி2கடி3

கடி1

வினைச்சொல்

  • 1

    உரிமையோடு ஒருவரைக் கண்டித்தல்.

    ‘அவர் ஒரு நாள்கூட என்னைக் கடிந்து பேசியதில்லை’
    ‘‘பெரியவர்களிடம் இப்படியா பேசுவது?’ என்று மகனைக் கடிந்துகொண்டாள்’

கடி-க்காக தமிழ்

இல் உள்ள முக்கிய விளக்கங்கள் : கடி1கடி2கடி3

கடி2

வினைச்சொல்

  • 1

    (பொருளை நொறுக்குதல், துண்டாக்குதல் போன்றவற்றிற்காக) பற்களை ஒன்றில் பதித்துப் பலமாக அழுத்துதல்; (நாய், பாம்பு முதலியன) பல் பதித்துக் கவ்வுதல்.

    ‘தாத்தாவுக்குப் பல் இல்லை. கடித்துச் சாப்பிட முடியாது’
    ‘பச்சைமிளகாயைக் கடித்தால் உறைக்காதா?’
    ‘நகத்தைக் கடிக்காதே, கெட்ட பழக்கம்’
    ‘அவனை நாய் கடித்துவிட்டது’

  • 2

    (பூச்சி, வண்டு, பாம்பு முதலியன) வாய்ப் பகுதியால் அல்லது கொடுக்கால் வலி ஏற்படும் அளவுக்குக் குத்துதல்; கொட்டுதல்; கொத்துதல்.

    ‘தேள் கடித்த இடம் கடுக்கிறது’

  • 3

    (புதிய செருப்பு, அரைஞாண் கயிறு போன்றவை) தோலில் பதிந்து அல்லது உராய்ந்து புண்ணாக்குதல்.

    ‘புதிய செருப்பு காலைக் கடிக்காமல் இருக்க அதில் எண்ணெய் தடவ வேண்டும்’
    ‘அரைஞாண் கயிறு இடுப்பைக் கடிக்கிறது’

  • 4

    பேச்சு வழக்கு (பேச்சின் மூலம்) சலிப்பு உண்டாக்கி நோகச் செய்தல்.

    ‘காலை நேரத்தில் கடிக்காமல் உருப்படியாக வேலையைச் செய்’

கடி-க்காக தமிழ்

இல் உள்ள முக்கிய விளக்கங்கள் : கடி1கடி2கடி3

கடி3

பெயர்ச்சொல்

  • 1

    கடிக்கும் செயல் அல்லது கடிக்கப்பட்ட நிலை.

    ‘குழந்தையைப் பிடித்திருந்த அவளது கையில் வெடுக்கென்று ஒரு கடி’
    ‘பாம்புக் கடி’
    ‘இங்கு நாய்க் கடிக்குச் சிகிச்சை அளிக்கப்படும்’

  • 2

    (கொசு, குளவி முதலியவை) குத்துதல்; கொட்டுதல்.

    ‘கொசுக் கடி தாங்க முடியவில்லை’

  • 3

    பேச்சு வழக்கு சலிப்பு ஏற்படுத்தும் வகையில் அமைந்திருப்பது.

    ‘உன் கடியைத் தாங்க முடியாமல் எல்லோரும் ஓடுகிறார்கள்’
    ‘இந்தப் படம் ஒரே கடி’