கலை -க்காக தமிழ்

இல் உள்ள முக்கிய விளக்கங்கள் : கலை1கலை2கலை3கலை4

கலை1

வினைச்சொல்

  • 1

    (அடுக்கு, வரிசை முதலியன) சீர்கெடுதல்; குலைதல்.

    ‘மடித்து அடுக்கிவைத்திருந்த துணிகள் கலைந்துகிடந்தன’
    ‘ஊர்வலத்தினர் வரிசை கலையாமல் அமைதியாகச் சென்றனர்’
    ‘தலைமுடி கலைந்து காதுகளை மூடியது’

  • 2

    (தூக்கம், தியானம் முதலியவை) நீங்குதல்; அகலுதல்.

    ‘எங்களிடையே நிலவிய மௌனம் அவருடைய கேள்வியால் கலைந்தது’
    ‘கதவு தட்டப்படும் சத்தம் கேட்டுத் தூக்கம் கலைந்தது’

  • 3

    (அலுவல் நேரம்) முடிதல்.

    ‘அந்த வாலிபரை நீதிமன்றம் கலையும்வரையிலும் காவலில் வைக்க உத்தரவிடப்பட்டது’

  • 4

    (கூட்டம், மேகம் முதலியவை) பிரிதல்; பிரிந்து செல்லுதல்.

    ‘மழை வரும் போலிருந்தது; ஆனால் மேகம் கலைந்துவிட்டது’
    ‘விழா முடிந்ததும் கூட்டம் கலைந்தது’

  • 5

    (எழுதப்பட்டது, வரையப்பட்டது) அழிதல்.

    ‘நெற்றியில் குங்குமம் கலைந்திருந்தது’
    ‘பலருடைய காலடி பட்டுக் கோலம் கலைந்திருந்தது’

  • 6

    (உருவாகியிருந்த கரு) சிதைதல்.

    ‘அவளுக்கு ஏற்பட்ட அதிர்ச்சியால் கரு கலைந்ததாக மருத்துவர் கூறினார்’

கலை -க்காக தமிழ்

இல் உள்ள முக்கிய விளக்கங்கள் : கலை1கலை2கலை3கலை4

கலை2

வினைச்சொல்

  • 1

    (அடுக்கு, வரிசை முதலியவற்றை) ஒழுங்கற்றதாக ஆக்குதல்; குலைத்தல்.

    ‘தயவுசெய்து அடுக்கிவைத்திருக்கும் புத்தகங்களை எடுத்துக் கலைக்காதீர்கள்’
    ‘வாரியிருந்த தலைமுடியைச் சட்டென்று வீசிய காற்று கலைத்துவிட்டது’
    ‘சீட்டைக் கலைத்துப் போடு!’

  • 2

    (தூக்கம், தியானம் முதலியவை மேற்கொண்டு) நீடிக்காதவாறு செய்தல்.

    ‘சத்தம்போட்டுப் பேசித் தாத்தாவின் தூக்கத்தைக் கலைத்துவிட்டாயே!’
    ‘தன் தவத்தைக் கலைத்தவர்களுக்கு முனிவர் சாபம் கொடுத்தார்’
    ‘அவர் தனது எழுத்துலக மௌனத்தைக் கலைத்து நீண்ட நாட்களுக்குப் பிறகு எழுதிய கதை இது’

  • 3

    (கூட்டம், மேகம் முதலியவற்றை) பிரிந்து போகவைத்தல்.

    ‘கும்பலைக் கலைக்கக் காவலர் கண்ணீர்ப்புகைக் குண்டுகளை வெடித்தனர்’
    ‘சூறாவளிக் காற்று மேகங்களைக் கலைத்துவிட்டது’

  • 4

    (எழுதப்பட்டதை, வரையப்பட்டதை) அழித்தல்.

    ‘நெற்றிக் குங்குமத்தை வியர்வை கலைத்திருந்தது’
    ‘தவழ்ந்து சென்ற குழந்தை கோலத்தைக் கலைத்துவிட்டது’

  • 5

    (சட்டமன்றம், அமைச்சரவை முதலியவற்றில் உள்ளவர்களை) அதிகாரம் இழக்கச் செய்தல்.

    ‘பாராளுமன்றத்தைக் கலைத்துவிட்டுப் பொதுத்தேர்தல் நடத்தப் பிரதமர் உத்தேசித்துள்ளார்’

  • 6

    (கட்சி, அமைப்பு முதலியவற்றை) இல்லாமல் ஆக்குதல்.

    ‘தங்கள் இயக்கத்தைக் கலைத்துவிட்டு ஜனநாயக முறைக்கு வரும்படி தீவிரவாதிகளைப் பிரதமர் கேட்டுக்கொண்டார்’

  • 7

    (உருவாகியிருக்கும் கருவை) சிதைத்தல்; அழித்தல்.

    ‘ஆரம்ப நிலையிலிருக்கும் கருவைக் கலைத்துக்கொள்வது சட்டப்படி குற்றமாகாது’

  • 8

    (மனத்தை) கெடுத்தல்.

    ‘யாரோ அவன் மனத்தைக் கலைத்திருப்பதால்தான் சொத்தைப் பிரிக்கச் சொல்கிறான்’

  • 9

    (ஒப்பனையை) நீக்குதல்.

    ‘நாடகம் முடிந்ததும் கதாநாயகி ஒப்பனையைக் கலைத்துக்கொண்டிருந்தார்’
    உரு வழக்கு ‘நீ போட்டிருக்கும் நல்லவன் வேடத்தைக் கலைக்கும்வரை நான் ஓய மாட்டேன் என்றான்’

  • 10

    இலங்கைத் தமிழ் வழக்கு துரத்துதல்; விரட்டுதல்.

    ‘நாய் ஆட்டைக் கலைத்துக்கொண்டு சென்றது’
    ‘என்னை வீட்டை விட்டுக் கலைக்கப்போகிறாயா?’

கலை -க்காக தமிழ்

இல் உள்ள முக்கிய விளக்கங்கள் : கலை1கலை2கலை3கலை4

கலை3

பெயர்ச்சொல்

  • 1

    பார்ப்பவர், கேட்பவர் முதலியோர் மனத்தில் அழகுணர்வைத் தோற்றுவிக்கும் வகையில் (அந்தந்தப் பண்பாட்டுச் சூழலில்) மக்கள் வெளிப்படுத்தும் நடனம், இசை, இலக்கியம் போன்றவை.

    ‘இந்தத் திரைப்படம் ஒரு அற்புதமான கலைப்படைப்பு’
    ‘கலை அம்சம் துளியும் இல்லாத நடனம்’

  • 2

    தொழில்திறன் நிரம்பியது.

    ‘சமையல் கலை’
    ‘பீடா சுற்றுவதும் ஒரு கலைதான்’

கலை -க்காக தமிழ்

இல் உள்ள முக்கிய விளக்கங்கள் : கலை1கலை2கலை3கலை4

கலை4

பெயர்ச்சொல்

  • 1

    நிலவின் வளர்ச்சிக் கட்டம்.