கவிழ்-க்காக தமிழ்

இல் உள்ள முக்கிய விளக்கங்கள் : கவிழ்1கவிழ்2

கவிழ்1

வினைச்சொல்

  • 1

    (பாத்திரங்கள், பொருள்கள் இயல்பான நிலையிலிருந்து மாறி) கீழ்நோக்கிச் சாய்தல்; சரிதல்.

    ‘பூனை தாவி ஓடியதில் பானை கவிழ்ந்து உருண்டது’
    ‘நேற்று அடித்த காற்றில் தகரக் கொட்டகை கவிழ்ந்துவிடும் போலிருந்தது’

  • 2

    (கப்பல், ரயில் முதலிய வாகனங்கள்) சாய்ந்து விழுதல்.

    ‘பேருந்து பள்ளத்தில் கவிழ்ந்து உருண்டதில் சிலர் படுகாயமடைந்தனர்’
    ‘பனி மூட்டத்தில் பெரிய கப்பலுடன் மோதியதில் சிறிய கப்பல் கவிழ்ந்தது’

  • 3

    (ஒருவருடைய தலை) கீழ் நோக்குதல்.

    ‘மேஜைமேல் இருந்த புத்தகத்தில் தலை கவிழ்ந்து படித்துக்கொண்டிருந்தான்’
    ‘வெட்கத்தால் அவன் தலை கவிழ்ந்தான்’

  • 4

    (அரசு, ஆட்சி) அதிகாரத்தை இழக்கும் நிலை ஏற்படுதல்.

    ‘கூட்டணிக் கட்சிகளுக்கிடையே ஏற்படும் மோதல்களால் ஆட்சி கவிழலாம்’

கவிழ்-க்காக தமிழ்

இல் உள்ள முக்கிய விளக்கங்கள் : கவிழ்1கவிழ்2

கவிழ்2

வினைச்சொல்

  • 1

    (பாத்திரம், பெட்டி, கூடை போன்றவற்றை) தலைகீழாக வைத்தல் அல்லது விளிம்பு தரையைத் தொடுமாறு கீழ்நோக்கிச் சாய்த்தல்.

    ‘ஜாடியின் மூடியைக் காணவில்லை. இப்போதைக்கு இந்தச் சட்டியை அதன்மேல் கவிழ்த்து வை’
    ‘கூடையைக் கவிழ்த்துப் போட்டு அதன்மேல் உட்கார்ந்தான்’
    ‘கழுவிய பாத்திரங்களைக் கவிழ்த்து வை; தண்ணீர் வடியட்டும்’
    ‘புத்தகத்தைக் கவிழ்த்து வைக்காதே’

  • 2

    (புகைவண்டியை) தடம்புரளச் செய்தல்; (கப்பலை) மூழ்கடித்தல்.

    ‘பாலத்தில் வெடி வைத்துப் புகைவண்டியைக் கவிழ்க்கச் சதி!’

  • 3

    (ஓர் அரசை, ஆட்சியை) அதிகாரத்திலிருந்து இறக்குதல்; நீக்குதல்.

    ‘எங்கள் ஆட்சியைக் கவிழ்க்க எதிர்க்கட்சிகள் சதிசெய்கின்றன என்று அமைச்சர் குற்றம்சாட்டினார்’
    ‘ராணுவத்தின் துணையுடன் ஆட்சியைக் கவிழ்த்துவிட்டு அவர் தானே நாட்டின் சர்வாதிகாரி ஆனார்’

  • 4

    ஒருவருடைய முன்னேற்றத்தைத் தடுத்து நிலைகுலையச் செய்தல்.

    ‘அவன் தன்னைக் கவிழ்க்க சதி செய்கிறானோ என்ற சந்தேகம் அவருக்கு ஏற்பட்டது’

  • 5

    (தலையை) கீழ் நோக்கச் செய்தல்; குனிதல்.

    ‘தலையைக் கவிழ்த்துக்கொண்டு நிற்பதிலிருந்தே குற்றம் செய்தது நீதான் என்று தெரிகிறது’