தமிழ் காட்டிக்கொடு யின் அர்த்தம்

காட்டிக்கொடு

வினைச்சொல்

  • 1

    (தேடப்படும் நபரையோ அவர் இருக்கும் இடத்தையோ) வஞ்சகமாகத் தெரிவித்தல்.

    ‘உயிருக்குப் பயந்து அந்த ரௌடியை யாரும் காவல்துறையினரிடம் காட்டிக்கொடுக்கவில்லை’
    ‘நம்மோடு இருந்துகொண்டே அவன் நம்மைக் காட்டிக்கொடுப்பான் என்று எதிர்பார்க்கவில்லை’
    ‘கொலை வழக்கில் தேடப்பட்டுவரும் தந்தையை மகனே காட்டிக்கொடுத்தான்’

  • 2

    (சோதனை முறையைக் கையாண்டு ஒன்றை) வெளிப்படுத்துதல்.

    ‘அந்த விமானப் பயணியின் கைப்பையில் ஒரு கத்தி இருந்ததை மின்கருவி காட்டிக்கொடுத்துவிட்டது’

  • 3

    (சொல்லாமல் மறைப்பதை மற்றொன்று) வெளிக்காட்டுதல்.

    ‘அவனது கைகால் நடுக்கமே அவன்தான் குற்றவாளி என்பதைக் காட்டிக்கொடுத்துவிட்டது’
    ‘அவர் பேசிய தோரணையும், நடந்துகொண்ட விதமுமே அவர் காவல்துறை அதிகாரி என்பதைக் காட்டிக்கொடுத்தன’