கிளை-க்காக தமிழ்

இல் உள்ள முக்கிய விளக்கங்கள் : கிளை1கிளை2கிளை3

கிளை1

வினைச்சொல்

  • 1

    (மரத்திலிருந்து) பல பிரிவுகள் ஏற்படுதல்; கப்பு விடுதல்.

    ‘ஆலமரம் கிளைத்து அடர்த்தியாக இருந்தது’
    ‘மாமரம் இப்போது நன்றாகக் கிளைக்கத் தொடங்கியுள்ளது’

  • 2

    ஒன்றிலிருந்து ஒன்றாகப் பிரிதல்; பெருகுதல்.

    ‘குடும்பம் எப்படிக் கிளைத்துப் பெருகிவிட்டது!’
    ‘தேசியக் கட்சியிலிருந்து கிளைத்த சிறு கட்சிகள் பல’

கிளை-க்காக தமிழ்

இல் உள்ள முக்கிய விளக்கங்கள் : கிளை1கிளை2கிளை3

கிளை2

பெயர்ச்சொல்

  • 1

    தாவரத்தின் தண்டிலிருந்து பக்கவாட்டில் பிரிந்து இலை, பூ, காய் ஆகியவற்றைத் தாங்கியிருக்கும் பகுதி.

    ‘மரத்தில் ஏறிக் கிளைகளை வெட்டிப் போடு!’
    ‘குரங்கு கிளைக்குக் கிளை தாவிச் செல்லும்’

  • 2

    (அலுவலகம், நிறுவனம், கட்சி முதலியவற்றின் தலைமையகத்தின் கீழ் கட்டுப்பாட்டுக்கு உட்பட்டு) வேறு இடத்தில் இயங்கும் பிரிவு.

    ‘எங்கள் வங்கியின் கிளைகள் நாடெங்கும் உள்ளன’
    ‘கிளை நூலகம்’

  • 3

    (ஒன்றின் துணையாக அமையும்) உட்பிரிவு.

    ‘கிளைக் கதை’
    ‘கிளைக் கேள்வி’

கிளை-க்காக தமிழ்

இல் உள்ள முக்கிய விளக்கங்கள் : கிளை1கிளை2கிளை3

கிளை3

பெயர்ச்சொல்

இலங்கைத் தமிழ் வழக்கு
  • 1

    இலங்கைத் தமிழ் வழக்கு (பெரும்பாலும் பன்மையில்) (சலிப்போடு குறிப்பிடும்போது) சிறுவர்.

    ‘இந்தக் கிளைகளைக் கூட்டிக்கொண்டு போனால் நாம் நிம்மதியாக இருக்க முடியாது’
    ‘இந்தக் கிளைகளைப் பெற்றுப்போட்டு நான் படும்பாடு ஆண்டவனுக்குத்தான் தெரியும்’
    ‘இந்தக் கிளைகளால்தான் பக்கத்து வீட்டுடன் எந்த நாளும் சண்டை’