தமிழ் குறுகுறு யின் அர்த்தம்

குறுகுறு

வினைச்சொல்

  • 1

    (தவறுகளால் மனம்) உறுத்துதல்.

    ‘குற்றமுள்ள நெஞ்சு குறுகுறுக்கும்’
    ‘அவனுக்குத் தீங்கிழைத்து விட்டோமே என்று குறுகுறுத்த மனத்தைச் சமாதானப்படுத்த முடியவில்லை’

  • 2

    (உடலில்) ஊர்வது அல்லது அரிப்பது போன்று உணர்தல்.

    ‘முதுகில் ஏதோ குறுகுறுக்க அவசரமாகச் சட்டையைக் கழற்றி எறிந்தான்’
    ‘குளிர்ந்த நீரில் கால் வைத்ததும் உள்ளங்கால் குறுகுறுத்ததுபோல் இருந்தது’

  • 3

    (ஒன்றைச் செய்வதற்குக் கை) பரபரத்தல்.

    ‘உடனே அந்தப் புத்தகத்தை வாங்கிவிட வேண்டும் என்று கைகள் குறுகுறுத்தன’