கூட்டு -க்காக தமிழ்

இல் உள்ள முக்கிய விளக்கங்கள் : கூட்டு1கூட்டு2கூட்டு3

கூட்டு1

வினைச்சொல்

  • 1

    (ஒரு இடத்தில் கிடக்கும் குப்பைகளைத் துடைப்பம் போன்றவற்றைக் கொண்டு தள்ளுவதன் மூலம்) ஒன்று சேர்த்து அகற்றுதல்; பெருக்குதல்.

    ‘தெருவில் சேர்ந்திருக்கும் குப்பையைக் கூட்ட இன்னும் ஆட்கள் வரவில்லை’
    ‘ஒட்டடையைத் தட்டி அறையைக் கூட்டு!’

  • 2

    ஒன்றுசேர்த்தல்; (ஓர் இடத்தில்) திரட்டுதல்.

    ‘எச்சிலைக் கூட்டி விழுங்கினான்’
    ‘குழந்தை தன் சின்ன விரல்களைக் கூட்டி விரித்து விளையாடிக்கொண்டிருந்தது’
    ‘வேப்பங்கொட்டையைக் கூட்டிக் குவித்தாள்’

  • 3

    (உறுப்பினர்களை) வருவித்துக் கூட்டம் நடத்துதல்; (மக்களை) திரண்டுவரச் செய்தல்; பலரை ஒரு இடத்திற்கு வரச் செய்தல்.

    ‘சட்டப்பேரவையை எப்போது கூட்டுவது?’
    ‘நேற்றுக் கூட்டப்பட்ட கட்சிக் கூட்டத்தில் ஒரு முடிவும் எடுக்கப்படவில்லை’
    ‘சின்ன விஷயத்துக்குக்கூட அவள் கூச்சல்போட்டு ஊரைக் கூட்டிவிடுவாள்’

  • 4

    (தேவையானவற்றை) கலத்தல்; கலந்து தயாரித்தல்.

    ‘ரசம் கூட்டத் தெரியாதா உனக்கு?’
    ‘வண்ணம் கூட்டித் தீட்டிய ஓவியம்’

  • 5

    (எண்களை ஒன்றோடு ஒன்று சேர்த்து) மொத்தமாக்குதல்; தொகையைக் கணக்கிடுதல்.

    ‘நான் பொருள்களின் விலைகளைச் சொல்லச்சொல்ல அவர் கூட்டிக்கொண்டேவந்தார்’

  • 6

    (அளவை) அதிகப்படுத்துதல்.

    ‘மொத்த வியாபாரிகள் தம் விருப்பம்போல் பொருள்களின் விலையைக் கூட்டிவிடுகிறார்கள்’

  • 7

    இலங்கைத் தமிழ் வழக்கு சிறிது நீர் விட்டு மிளகாயை அரைத்து உருட்டி வைத்தல்.

    ‘கூட்டிய மிளகாயைத் தேங்காய்ப் பாலோடு கரைத்துக்கொள்’

கூட்டு -க்காக தமிழ்

இல் உள்ள முக்கிய விளக்கங்கள் : கூட்டு1கூட்டு2கூட்டு3

கூட்டு2

பெயர்ச்சொல்

  • 1

    (தொழிலில், வேலையில் அல்லது ஒரு செயலில்) பங்கு அல்லது துணை.

    ‘என் நண்பனை வியாபாரத்தில் கூட்டு சேர்த்துக்கொண்டேன்’
    ‘கொள்ளையில் கூட்டு’

  • 2

    நபர்களின் அல்லது அமைப்புகளின் இணைப்பு.

    ‘குடும்பத்தினர் அனைவரும் கூட்டாக வழிபட்டனர்’
    ‘பல நாடுகளின் ராணுவக் கூட்டு’
    ‘தேடுதல் வேட்டையில் கூட்டு அதிரடிப்படை ஈடுபட்டது’

கூட்டு -க்காக தமிழ்

இல் உள்ள முக்கிய விளக்கங்கள் : கூட்டு1கூட்டு2கூட்டு3

கூட்டு3

பெயர்ச்சொல்

  • 1

    ஒரு காய்கறியை நறுக்கி வேகவைத்துப் பருப்பு, தேங்காய் முதலியவை சேர்த்து (திரவ நிலையில்) தயாரிக்கும் ஒரு தொடுகறி.

    ‘புடலங்காய்க் கூட்டு’