கூடு-க்காக தமிழ்

(சேர்தல், இணைதல் தொடர்பான வழக்கு)

1. 1.1 (ஓர் இடத்தில்) வந்து சேர்தல்; குழுமுதல்
   ‘நாடகத்தைப் பார்க்க மக்கள் பெரும் திரளாகக் கூடியிருந்தனர்’
   ‘அடுத்த மாதம் உங்கள் வீட்டில் நாம் அனைவரும் கூடிப் பேசுவோம்’

2. 1.2 (உறுப்பினர்களைக் கொண்ட குழு, அமைப்பு போன்றவை) குறிப்பிட்ட நோக்கத்திற்காக முறையாகச் சந்தித்தல்
   ‘பாராளுமன்றம் நாளை கூடுகிறது’

3. 1.3 (உடைந்த எலும்பு போன்றவை) ஒன்றுசேர்தல்; பொருந்துதல்
   ‘சின்னப் பையன்தானே, எலும்பு கூடிவிடும்’

4. 1.4 உடலுறவு கொள்ளுதல்; இணைதல்
   ‘மனைவியோடு அவன் கூடுவது சனிக்கிழமைகளில் மட்டும்தான் என்று ஆகிவிட்டது’

5. 1.5 ஒன்றுபட்டிருத்தல்

6. 1.6 (நேரம், பொழுது) வாய்த்தல்
   ‘எதிர்பார்த்திருந்த சுப வேளை கூடிவிட்டது’

(எண்ணிக்கை, அளவு உயர்தல் தொடர்பான வழக்கு)

1. 2.1 (பொருள், விலை, வயது முதலியவை) அதிகரித்தல்; அதிகப்படுதல்
   ‘பொருள்களின் விலை கூடுகிறதே தவிரக் குறைவதில்லை’
   ‘நாட்டில் பணவீக்கம் கூடியுள்ளது’
   ‘சாம்பாரில் உப்பு சிறிது கூடினாலும் சாப்பிட முடியாது’

(‘செய’ என்னும் வாய்பாட்டு வினையெச்சத்தின் பின்) ‘இயலுதல்’ என்னும் பொருளில் வரும் ஒரு துணை வினை.

(‘செய’ என்னும் வாய்பாட்டு வினையெச்சத்தின் பின் உடன்பாட்டு வடிவங்களில்) ஒன்று நிகழ்ந்திருக்க அல்லது நிகழச் சாத்தியம் இருப்பதைத் தெரிவிக்கும் முறையில் பயன்படுத்தும் துணை வினை.

(‘செய’ என்னும் வாய்பாட்டு வினையெச்சத்தின் பின் எதிர்மறை வடிவங்களில்) ஒரு செயலைச் செய்யத் தடை விதிக்கும் முறையில் பயன்படுத்தப்படும் துணை வினை.

(பறவை, தேனீ, பூச்சி முதலியவை) அமைத்துக்கொள்ளும் வசிப்பிடம்.

(ஒன்றை) வைத்துக்கொள்ள ஏற்ற விதத்தில் அமைக்கப்படும் சாதனம்.

(வெயிலிலிருந்து, மழையிலிருந்து பாதுகாக்க) வண்டியில் கூரைபோல் போடப்படும் தடுப்பு.

வட்டார வழக்கு (நெல் கொட்டிவைக்கும்) பத்தாயம்.

இலங்கைத் தமிழ் வழக்கு சிறை.