கெடு -க்காக தமிழ்

இல் உள்ள முக்கிய விளக்கங்கள் : கெடு1கெடு2கெடு3

கெடு1

வினைச்சொல்

  • 1

    (ஒன்று அல்லது ஒருவர்) மோசமான நிலையை அல்லது தன்மையை அடைதல்; (இருந்த நிலை, தன்மை) பாதிப்படைதல்; சீர்குலைதல்.

    ‘ஒலிபெருக்கியின் அலறலால் தூக்கம் கெடுகிறது’
    ‘சேரக் கூடாதவர்களுடன் சேர்ந்துதான் தன் மகன் கெட்டுவிட்டான் என்று அவர் புலம்பினார்’

  • 2

    (உணவுப்பொருள் போன்றவை நுண்கிருமிகளால் பாதிக்கப்பட்டு அல்லது பதம் அழிந்து) உண்பதற்கு ஏற்றதாக இல்லாமல் போதல்; (காற்று, நீர் போன்றவை) இயல்பான தன்மையை இழத்தல்.

    ‘குளிர்சாதனப் பெட்டியில் வைத்தால் பால் கெடாது’
    ‘பழக் கூடை கீழே விழுந்ததால் பழங்கள் நசுங்கிக் கெட்டுப்போய்விட்டன’
    ‘மழையில் நனைந்து வைக்கோல் கெட்டுவிட்டது’
    ‘நச்சுப் புகையால் காற்றின் தூய்மை கெடுகிறது’

  • 3

    (நற்பெயர், மரியாதை முதலியவை) பாதிப்படைதல்; (அறிவு, உணர்ச்சி போன்றவை) பாதிப்படைதல்; குறைதல்.

    ‘இதைச் செய்தால் என் பெயர் கெட்டுவிடும்’
    ‘சுரணை கெட்டு அலைகிறேன் என்று நினைத்துவிட்டாயா?’
    ‘உனக்குப் புத்தி கெட்டுவிட்டதா, என்ன? குழந்தையைப் போட்டு இப்படி அடிக்கிறாயே?’

  • 4

    (உடல் உறுப்பு, இரத்தம் முதலியவற்றைக் குறித்து வரும்போது செயல்திறன் இழந்து) பாதிப்பு ஏற்படுதல்; (இயந்திரம்) பழுதடைதல்.

    ‘சாப்பாடு சரியில்லை என்று சொல்லாதே. உனக்குதான் நாக்குக் கெட்டுவிட்டது’
    ‘சிறுநீரகம் கெட்டுப்போனால் இரத்தமும் கெட்டுப்போகும்’
    ‘கண்டதையெல்லாம் சாப்பிட்டு வயிறு கெட்டுவிட்டது’
    ‘காப்பிக்கொட்டை அரைக்கும் இயந்திரம் அதற்குள் கெட்டுவிட்டது’

  • 5

    (கெட்டான், கெட்டாள், கெட்டது போன்ற வினைமுற்று வடிவங்களில் மட்டும்) சிறந்த உதாரணத்தையும் ஒருவர் மிஞ்சிவிட்டார் அல்லது ஒன்று மிஞ்சிவிட்டது என்ற பொருளில் பயன்படுத்தப்படும் சொல்.

    ‘உன் திருடன் வேஷம் பிரமாதம்; அசல் திருடன் கெட்டான்’
    ‘பலே தந்திரசாலி நீ; சாணக்கியன் கெட்டான் போ!’

கெடு -க்காக தமிழ்

இல் உள்ள முக்கிய விளக்கங்கள் : கெடு1கெடு2கெடு3

கெடு2

வினைச்சொல்

  • 1

    மோசமான நிலையை அடையச் செய்தல்; சீர்குலையும்படி செய்தல்.

    ‘ஒரு சிறு தகராறு குடும்ப வாழ்க்கையின் நிம்மதியைக் கெடுத்துவிட்டது’
    ‘குதிரைப் பந்தயம் பலருடைய வாழ்க்கையைக் கெடுத்திருக்கிறது’

  • 2

    (காற்று, நீர் போன்றவற்றின்) இயல்பான தன்மையை இழக்கச் செய்தல்.

    ‘சுத்திகரிக்கப்படாத தொழிற்சாலைக் கழிவுகள் நீர்நிலைகளின் தூய்மையைக் கெடுக்கின்றன’

  • 3

    (உணர்ச்சியை) குலைத்தல்; (நற்பெயர் முதலியவற்றை) பாதித்தல்.

    ‘உங்கள் மகிழ்ச்சியைக் கெடுக்க வேண்டும் என்ற நோக்கம் எனக்கு இல்லை’
    ‘உட்பூசல்கள் கட்சியின் பெயரைக் கெடுக்கின்றன’

  • 4

    (உடல் உறுப்பை அல்லது அதன் செயல்திறனை) பாதித்தல்; (இயந்திரத்தை) பழுதாக்குதல்.

    ‘கண்டதையெல்லாம் சாப்பிட்டு வயிற்றைக் கெடுத்துக்கொள்ளாதே!’
    ‘ஓட்டத் தெரியாமல் ஓட்டிக் காரைக் கெடுத்துவிடாதே’

  • 5

    (தீய வழியில் ஈடுபடச் செய்து) பாழாக்குதல்.

    ‘ஒரு கிரேக்கத் தத்துவஞானி இளைஞர்களைக் கெடுத்ததாகக் குற்றம்சாட்டப்பட்டார்’
    ‘நன்றாகப் படிக்கும் பையனையும் கெடுத்துவிடாதே’

  • 6

    (பெண்ணைக் குறிப்பிடும்போது) கற்பழித்தல்.

    ‘அந்தக் கலவரத்தின்போது பல பெண்கள் கெடுக்கப்பட்டதாகக் கூறப்படுகிறது’

கெடு -க்காக தமிழ்

இல் உள்ள முக்கிய விளக்கங்கள் : கெடு1கெடு2கெடு3

கெடு3

பெயர்ச்சொல்

  • 1

    (ஒரு காரியத்தை முடிக்கத் தரப்படும்) கால வரம்பு; (நிர்ணயிக்கப்பட்ட) கால எல்லை.

    ‘வங்கியில் கடனைச் செலுத்த வேண்டிய கெடு நேற்றுடன் முடிவடைந்தது’
    ‘பயங்கரவாதிகள் ஆயுதங்களை ஒப்படைக்கவும் சரணடையவும் ராணுவம் கெடு நிர்ணயித்துள்ளது’