தமிழ் கேடு யின் அர்த்தம்

கேடு

பெயர்ச்சொல்

  • 1

    (நல்ல நிலைக்கு நேரும்) தீங்கு; கெடுதி.

    ‘நாட்டின் ஒற்றுமைக்கு இனக் கலவரங்கள் கேடு விளைவிக்கும்’
    ‘போக்குவரத்து பெருகப்பெருகத் தூய்மைக் கேடுகளும் பெருகுகின்றன’

  • 2

    (புகழ், மதிப்பு ஆகியவற்றுக்கு) களங்கம்.

    ‘இந்த நிறுவனத்தின் நற்பெயருக்குக் கேடு விளைவிக்கச் சிலர் முயல்கிறார்கள்’

  • 3

    (சில பெயர்ச்சொற்களோடு இணைந்து வரும்போது) சிதைவு; குறைவு.

    ‘வெட்கக்கேடு’
    ‘ஒழுக்கக்கேடு’
    ‘சுகக்கேடு’

  • 4

    இருக்கிற நிலைமையே மோசமாக இருக்கும்போது, வேறொன்றை விரும்புவது சரியல்ல என்று எரிச்சலை வெளிப்படுத்தப் பயன்படுத்தும் சொல்.

    ‘தெருவில் விளக்கு இல்லை. ஊருக்குப் பூங்காதான் ஒரு கேடா?’
    ‘வீட்டுச் செலவுக்கே பணம் இல்லாதபோது உனக்குச் சுற்றுலா ஒரு கேடா?’

  • 5

    ஒன்றைச் செய்ய முடிந்தும் ஒருவர் அதைச் செய்யாமல் இருப்பதைக் கண்டு எரிச்சல்பட்டுக் கூறும் சொல்.

    ‘மாதம் ஐந்தாயிரம் ரூபாய் சம்பளம் வாங்குகிறாயே, கடனைத் திருப்பித் தர என்ன கேடு?’