தமிழ் சரியாகு யின் அர்த்தம்

சரியாகு

வினைச்சொல்

  • 1

    (நோய்) குணமாதல்.

    ‘இப்போது அவனுக்கு உடம்பு சரியாகிவிட்டது’
    ‘ஒரு வாரம் மருந்து சாப்பிட்டால் போதும். குடல்புண் சரியாகிவிடும்’
    ‘வெறும் மருந்தினால் மனநோய் சரியாகாது’
    ‘உன் நோய் முற்றிலுமாகச் சரியாக நாளாகும்’

  • 2

    (மோசமான நிலைமை) சீராதல்; இயல்பான நிலைக்கு வருதல்.

    ‘கொஞ்சம் பொறுத்துக்கொள், எல்லாம் சரியாகிவிடும்’
    ‘ஒரு மாதத்தில் அலுவலக நிலைமை சரியாகிவிடாதா?’
    ‘மின்அழுத்தம் இரவு ஒரு மணிக்குச் சரியாகி விட்டது’
    ‘புதுச் சூழல் பழகிவிட்டால் எல்லாம் சரியாகிவிடும்’