தமிழ் சும யின் அர்த்தம்

சும

வினைச்சொல்

  • 1

    (கனமான பொருளைத் தலை, முதுகு போன்ற பகுதிகளில்) தாங்குதல்.

    ‘நெல் மூட்டையைத் தலையில் வைத்துத் தூக்கி வராமல் முதுகில் சுமந்து வந்தான்’
    ‘கழுதை பொதி சுமப்பதுபோல் ஏன் எல்லாவற்றையும் நீயே சுமந்து வருகிறாய்?’

  • 2

    (தாய் கருத்தரித்து குழந்தையை வயிற்றினுள்) தாங்கியிருத்தல்.

    ‘தாய் நம்மைப் பத்து மாதம் சுமக்கிறாள்’
    ‘பத்து மாதம் சுமந்து பெற்ற பிள்ளை’

  • 3

    (கடன், வேலை, பொறுப்பு, பழி முதலியவற்றை பாரம்போல்) ஏற்றுக்கொள்ளுதல்.

    ‘மூத்த மகன் குடும்பப் பொறுப்பைச் சுமக்க நேர்ந்தது’
    ‘எல்லா வேலைகளையும் நானே சுமக்க வேண்டியிருக்கிறது என்று அம்மா அலுத்துக்கொண்டாள்’