சுருக்கு -க்காக தமிழ்

இல் உள்ள முக்கிய விளக்கங்கள் : சுருக்கு1சுருக்கு2சுருக்கு3

சுருக்கு1

வினைச்சொல்

  • 1

    (பேச்சு, எழுத்து, வேலை, செலவு போன்றவற்றை) முன்பிருந்த அளவைவிடக் குறைத்தல்.

    ‘கட்டுரையைச் சுருக்கிக் கொடுத்தால் பத்திரிகையில் பிரசுரிக்கிறோம்’
    ‘வேலையைச் சுருக்கு’
    ‘வருமானம் குறைந்துவிட்டதால் செலவையும் சுருக்க வேண்டியுள்ளது’
    ‘‘பேசுவதைச் சுருக்கிக்கொண்டுவிட்டேன். சாப்பாட்டையும் சுருக்க வேண்டும்’ என்றார் முதியவர்’

  • 2

    (கண், நெற்றி முதலியவற்றை) மடிப்புகள் தோன்றும் வகையில் குறுக்கிக்கொள்ளுதல்.

    ‘கிழவர் கண்களைச் சுருக்கிக்கொண்டு கூர்ந்து பார்த்தார்’
    ‘கேள்வியைக் கேட்டவுடன் நெற்றியைச் சுருக்கிக்கொண்டு அவன் யோசனையில் ஆழ்ந்தான்’

  • 3

    (விரித்த குடையை) மடக்குதல்; (பையின் வாய்ப் பகுதி, வளையமாக முடிச்சிடப்பட்ட கயிறு முதலியவற்றை) சிறிதாகும்படி செய்தல்.

    ‘குடையைச் சுருக்கிக் கக்கத்தில் இடுக்கிக்கொண்டு நடந்தார்’
    ‘வெற்றிலைப் பையைச் சுருக்கி இடுப்பில் செருகிக்கொண்டாள்’

சுருக்கு -க்காக தமிழ்

இல் உள்ள முக்கிய விளக்கங்கள் : சுருக்கு1சுருக்கு2சுருக்கு3

சுருக்கு2

பெயர்ச்சொல்

  • 1

    (கயிற்றின் ஒரு முனையை மடக்கிக் கயிற்றிலேயே) நகரும் வகையில் போடும் முடிச்சு; (ஒன்றைப் பிணைப்பதற்காகக் கயிற்றில் போடப்படும்) முடிச்சு.

    ‘அவன் கழுத்தில் சுருக்குப் போட்டுக் கொன்றிருக்கிறார்கள்’
    ‘அந்த மாடு எப்படியோ சுருக்கை அவிழ்த்துக்கொண்டுவிட்டது’

  • 2

    (ஆடை முதலியவற்றின்) மடிப்பு.

    ‘சுருக்கு வைத்துத் தைத்த பாவாடை’

சுருக்கு -க்காக தமிழ்

இல் உள்ள முக்கிய விளக்கங்கள் : சுருக்கு1சுருக்கு2சுருக்கு3

சுருக்கு3

வினைச்சொல்

இலங்கைத் தமிழ் வழக்கு
  • 1

    இலங்கைத் தமிழ் வழக்கு (நாற்றத்தைத் தவிர்க்கும் முறையில்) (மூச்சை) அடக்கிக்கொள்ளுதல்.

    ‘ஒழுங்கையில் ஒரே மணமாகக் கிடந்ததால் மூக்கைச் சுருக்கிக்கொண்டு ஓடிவந்துவிட்டேன்’