தடி-க்காக தமிழ்

இல் உள்ள முக்கிய விளக்கங்கள் : தடி1தடி2தடி3

தடி1

வினைச்சொல்

  • 1

    (அடிபடுதல், பூச்சிக் கடி முதலியவற்றால் உடலின் மேல் பரப்பு) சிறிய அளவில் வீங்குதல்; புடைத்துக் காணப்படுதல்.

    ‘குழந்தை கீழே விழுந்ததில் அடிபட்டு உதடு தடித்திருக்கிறது’
    ‘என்ன கடித்ததோ தெரியவில்லை; உடம்பு முழுவதும் திட்டுத்திட்டாகத் தடித்துவிட்டது’

  • 2

    (உடல்) சற்றுப் பெருத்தல்.

    ‘கல்யாணத்திற்குப் பிறகு உன் நண்பர் தடித்துவிட்டார்’

  • 3

    (பேச்சு) வரம்பு மீறுதல்.

    ‘சாதாரணமாக ஆரம்பித்த பேச்சு தடித்துச் சண்டையில் முடிந்தது’

தடி-க்காக தமிழ்

இல் உள்ள முக்கிய விளக்கங்கள் : தடி1தடி2தடி3

தடி2

பெயர்ச்சொல்

பேச்சு வழக்கு
  • 1

    பேச்சு வழக்கு (ஒருவரின் உடல், ஒரு பொருள் முதலியவற்றின் அளவுகுறித்து வரும்போது) பருமன்.

    ‘ஆள் எப்படித் தடியாக இருக்கிறார் பார்!’
    ‘இவ்வளவு தடியான ஆணி தேவையில்லை’
    ‘தடிதடியான புத்தகங்களைச் சுமக்க முடியாமல் சுமந்து வந்துகொண்டிருந்தார்’

தடி-க்காக தமிழ்

இல் உள்ள முக்கிய விளக்கங்கள் : தடி1தடி2தடி3

தடி3

பெயர்ச்சொல்

  • 1

    (அடிக்கவோ தாக்கவோ பயன்படுத்தும்) உருண்டையாகவும் கனமாகவும் இருக்கும் கழி; (இரும்பு என்பதோடு இணைந்து) நீண்ட துண்டு.

    ‘பாம்பை அடிக்கத் தடியை எடுத்துக் கொண்டு ஓடிவந்தான்’
    ‘கையில் கத்தி, இரும்புத் தடி முதலியவற்றுடன் வந்து தாக்கினார்கள்’

  • 2

    இலங்கைத் தமிழ் வழக்கு குச்சி.

    ‘கண்டபடி தடியெடுத்து விளையாடாதே, கண்ணில் குத்திவிடும்’
    ‘பிள்ளையைத் தடியால் அடிக்காதே’