தணி-க்காக தமிழ்

இல் உள்ள முக்கிய விளக்கங்கள் : தணி1தணி2

தணி1

வினைச்சொல்

  • 1

    (வெப்பம், பசி, கோபம் முதலியவை) குறைதல்; தாழ்தல்.

    ‘வெயில் தணிந்த பிறகு போகலாம்’
    ‘மோர் குடித்தால் தாகம் தணியும்’
    ‘ஜுரம் இன்னும் தணியவில்லை’

  • 2

    (குரல்) அமுங்குதல்; ஒடுங்குதல்.

    ‘நான் வருவதைப் பார்த்ததும் அவன் குரல் தணிந்தது’
    ‘அவர்கள் இருவரும் தணிந்த குரலில் ஏதோ பேசிக்கொண்டனர்’

  • 3

    (எதிர்ப்புக் காட்டாமல்) பணிதல்.

    ‘நான் குரலை உயர்த்தியதும் அவன் தணிந்துவிட்டான்’
    ‘அவர்தான் கோபமாகப் பேசுகிறார் என்றால், நீயாவது கொஞ்சம் தணிந்துபோகக் கூடாதா?’
    ‘அவன் என் அண்ணன்தான்; அதற்காக நான் ஏன் தணிந்து போக வேண்டும்?’

தணி-க்காக தமிழ்

இல் உள்ள முக்கிய விளக்கங்கள் : தணி1தணி2

தணி2

வினைச்சொல்

  • 1

    (வெப்பம், பசி, கோபம் முதலியவற்றை) குறைத்தல்.

    ‘தண்ணீரைக் குடித்துப் பசியைத் தணிக்க முடியுமா?’
    ‘நகரத்தில் நிலவும் பதற்றத்தைத் தணிக்க ஏதாவது செய்துதான் ஆக வேண்டும்’

  • 2

    (குரலை) தாழ்த்துதல்.

    ‘அவர்கள் குரலைத் தணித்துக்கொண்டு ஏதோ ரகசியம் பேசினார்கள்’

  • 3

    (விளக்கின் சுடரை) சிறிதாக்குதல்; குறைத்தல்.

    ‘விளக்கைத் தணித்துவிட்டுப் படுத்தாள்’