தர -க்காக தமிழ்

இல் உள்ள முக்கிய விளக்கங்கள் : தர1தீர2தீர்3தீர்4தீர்5தீர்6

தர1

பெயர்ச்சொல்

இலங்கைத் தமிழ் வழக்கு
  • 1

    இலங்கைத் தமிழ் வழக்கு (கணிதத்தில்) பெருக்கல் குறி.

    ‘ஐந்து தர இரண்டு சமன் பத்து’

தர -க்காக தமிழ்

இல் உள்ள முக்கிய விளக்கங்கள் : தர1தீர2தீர்3தீர்4தீர்5தீர்6

தீர2

வினையடை

  • 1

    ஒன்றுவிடாமல் எல்லாவற்றையும் கணக்கில் எடுத்துக்கொண்டு; முற்றிலும்.

    ‘தீர விசாரிக்காமல் நான் அப்படிப் பேசியது தவறுதான்’
    ‘நடந்த சம்பவத்தைத் தீர ஆராய்வதற்காக அரசு விசாரணைக் குழு ஒன்றை நியமித்துள்ளது’

தர -க்காக தமிழ்

இல் உள்ள முக்கிய விளக்கங்கள் : தர1தீர2தீர்3தீர்4தீர்5தீர்6

தீர்3

வினைச்சொல்

  • 1

    (ஒரு பொருளை உபயோகத்துக்கு எடுத்துக்கொண்டே இருப்பதால்) இல்லாமல் போதல்.

    ‘சர்க்கரை தீர்ந்துவிட்டது; வாங்க வேண்டும்’
    ‘கொண்டுவந்த பணமெல்லாம் தீர்ந்து விட்டதா?’

  • 2

    (பிரச்சினை, சண்டை, வேலை முதலியவை) முடிவுக்கு வருதல்; முடிதல்.

    ‘பிரச்சினை தீர்ந்து சமரசமாகிவிட்டார்கள்’
    ‘வீட்டு வேலை தீராத வேலை’
    ‘கடல் நீர் இறைத்துத் தீருமா?’

  • 3

    (பசி, களைப்பு அல்லது ஏக்கம், கவலை, பயம் போன்ற உணர்வுகள்) நீங்குதல்.

    ‘உன் சந்தேகம் தீர்ந்ததா?’
    ‘பசி தீரச் சாப்பிட்டுவிட்டுத் தூங்கினேன்’

  • 4

    (நோய்) குணமாதல்.

    ‘எந்த மருந்து சாப்பிட்டாலும் இந்த மனநோய் தீராது’
    ‘மருத்துவர் தந்த மருந்தால் வயிற்று வலி முழுவதுமாகத் தீர்ந்துவிட்டது’

  • 5

    (ஒருவரின் பொறுப்பு, கடமை போன்றவை) நிறைவடைதல்.

    ‘உன்னைப் பத்திரமாக உன் பெற்றோரிடம் ஒப்படைத்துவிட்டேன். என் பொறுப்பு தீர்ந்தது’
    ‘அவனுக்குத் திருமணம் செய்துவைத்துவிட்டால் என் கடமை தீர்ந்துவிடும்’

  • 6

    (ஒன்றைப் பற்றிய குழப்பம், மர்மம் போன்றவை) தெளிவாதல்.

    ‘இப்போதாவது உன் குழப்பம் தீர்ந்ததா?’
    ‘அவருடைய சாவு பற்றிய மர்மம் இன்னும் தீரவில்லை’

  • 7

    (கடன்) அடைபடுதல்.

    ‘இன்னும் இருநூறு ரூபாய் கட்டினால்தான் கடன் தீரும்’

  • 8

    (இறந்தகால வடிவங்கள் மட்டும்) (மோசமான சூழ்நிலையை எதிர்கொள்ளும் ஒருவர்) கடுமையாகப் பாதிக்கப்படுதல்.

    ‘இந்த விஷயம் மட்டும் மேலதிகாரிக்குத் தெரிந்தால், நாம் தீர்ந்தோம்’
    ‘இருப்பில் ஆயிரம் ரூபாய் குறைகிறதே; இன்று நான் தீர்ந்தேன்!’
    ‘இத்தோடு அவன் தீர்ந்தான்’

தர -க்காக தமிழ்

இல் உள்ள முக்கிய விளக்கங்கள் : தர1தீர2தீர்3தீர்4தீர்5தீர்6

தீர்4

துணை வினை

  • 1

    முதன்மை வினை குறிப்பிடும் செயலை எப்படியும் செய்து முடிப்பது என்று உறுதியாக முடிவெடுப்பதைக் குறிப்பிடும் துணை வினை.

    ‘வீடு வாங்கியே தீர்வது என்று தீர்மானித்துவிட்டேன்’
    ‘கடனை அடுத்த ஆண்டுக்குள் அடைத்தே தீர்வது என்று முடிவு செய்துகொண்டேன்’

  • 2

    முதன்மை வினை குறிப்பிடும் செயலை நிர்ப்பந்தத்தின் பேரில் செய்ய வேண்டியதாக இருப்பதைக் குறிப்பிடப் பயன்படுத்தும் துணை வினை.

    ‘அவருடைய வற்புறுத்தலின் காரணமாகச் சாப்பிட்டுத்தீர வேண்டியிருந்தது’

தர -க்காக தமிழ்

இல் உள்ள முக்கிய விளக்கங்கள் : தர1தீர2தீர்3தீர்4தீர்5தீர்6

தீர்5

வினைச்சொல்

  • 1

    (ஒரு பொருளை உபயோகத்திற்கு எடுத்துக்கொண்டே இருப்பதன்மூலம்) இல்லாமல் ஆக்குதல்.

    ‘குடித்தே பணத்தைத் தீர்த்துவிட்டான்’
    ‘வாங்கிய சம்பளத்தை ஒரே வாரத்தில் தீர்த்துவிட்டால் மீதி நாட்களை எப்படிச் சமாளிப்பது?’

  • 2

    (பிரச்சினை, சண்டை முதலியவற்றை) முடிவுக்கு வரச் செய்தல்.

    ‘எப்படிப்பட்ட பிரச்சினையாக இருந்தாலும் தலைவர் சுலபமாகத் தீர்த்துவிடுவார்’
    ‘இவர்கள் சண்டையைத் தீர்க்க வழி என்ன?’

  • 3

    (பசி, வலி, கவலை, சந்தேகம் முதலியவற்றை) போக்குதல்.

    ‘வயிறார உண்டு பசியைத் தீர்த்துக்கொண்டான்’
    ‘மாணவர்களின் சந்தேகத்தைத் தீர்ப்பதற்குக்கூட நேரம் இல்லை’
    ‘உன் குழப்பத்தை நான் தீர்த்துவைக்கிறேன்’
    ‘தீர்க்க முடியாத புதிரா இது?’

  • 4

    (நோயை) குணமாக்குதல்.

    ‘‘இந்த மருந்து எந்தப் பிணியையும் தீர்க்க வல்லது’ என்று அந்த விளம்பரத்தில் போட்டிருந்தது’
    ‘புற்றுநோயைத் தீர்க்கும் மருந்து இதுவரை கண்டுபிடிக்கப்படவில்லை’

  • 5

    (கடனை) அடைத்தல்.

    ‘அவனிடம் பட்ட கடனைத் தீர்க்க வீட்டை விற்றுவிட்டார்’

  • 6

    பேச்சு வழக்கு (பெரும்பாலும் தன் எதிரியை, வேண்டாதவரை) கொல்லுதல்.

    ‘காட்டிக்கொடுத்தவனைத் தீர்த்துவிட்டார்கள்’

  • 7

    கணிதம்
    கொடுக்கப்பட்ட சமன்பாட்டுக்குச் சரியான விடையைக் கண்டுபிடித்தல்.

    ‘3x+2y=13 என்ற சமன்பாட்டைத் தீர்க்கவும்’

தர -க்காக தமிழ்

இல் உள்ள முக்கிய விளக்கங்கள் : தர1தீர2தீர்3தீர்4தீர்5தீர்6

தீர்6

துணை வினை

  • 1

    முதன்மை வினை குறிப்பிடும் செயல் அதிக அளவில் நிகழ்த்தப்பட்டது என்பதைக் குறிப்பிடும் துணை வினை.

    ‘நாள் முழுவதும் தூங்கித்தீர்த்தான்’
    ‘அவன் மேல் எனக்குக் கடும் கோபம்; அவனைத் திட்டித்தீர்த்துவிட்டேன்’