தமிழ் தளர் யின் அர்த்தம்

தளர்

வினைச்சொல்

  • 1

    (பிடி, முடிச்சு முதலியவை) இறுக்கம் இழத்தல்; நெகிழ்தல்.

    ‘அவன் திமிறிப் பார்த்தான். ஆனால் அவருடைய பிடி தளரவில்லை’
    உரு வழக்கு ‘அவருடைய நம்பிக்கை தளர்ந்தது’

  • 2

    (உடல் கட்டு) குலைதல்/(நடை) வேகம் இழத்தல்; தொய்வடைதல்.

    ‘இரண்டு மாதமாகப் படுத்தபடுக்கையாகக் கிடந்ததில் மிகவும் தளர்ந்துபோயிருந்தார்’
    ‘சரிவர உடற்பயிற்சி செய்யாததால் உடல் தளர்ந்துவிட்டது’
    ‘எழுபது வயதாகியும் அவரது நடை தளரவில்லை’

  • 3

    மன உறுதி இழத்தல்; மனம் கலங்குதல்.

    ‘இந்தத் தடவையும் பரீட்சையில் தேறவில்லை என்றதும் தளர்ந்துபோனான்’
    ‘தோல்வியைக் கண்டு தளர்ந்துவிடாதே!’