தமிழ் தவணை யின் அர்த்தம்

தவணை

பெயர்ச்சொல்

  • 1

    செலுத்த வேண்டிய மொத்தத் தொகையை ஏதேனும் ஒரு விகிதப்படி பகுத்துக்கொண்டு குறிப்பிட்ட காலத்துக்கு இவ்வளவு என்று நிர்ணயிக்கப்பட்ட காலத்திற்குள் செலுத்தும் முறை.

    ‘நேற்றுதான் இந்த மின்விசிறியைத் தவணை முறையில் வாங்கினேன்’
    ‘வங்கியில் வாங்கிய கடனை முப்பத்தாறு தவணைகளில் செலுத்திவிட வேண்டும்’

  • 2

    (மேற்குறிப்பிட்ட முறையில்) பகுத்துக்கொண்ட கால அளவில் ஒரு முறை.

    ‘மின்விசிறிக்கு இரண்டாவது தவணைப் பணம் கட்ட வேண்டும்’

  • 3

    கால வரம்பு; கெடு.

    ‘வீட்டைக் காலிசெய்வதற்கு ஆறு மாதம் தவணை கேட்டிருக்கிறார்’

  • 4

    வட்டார வழக்கு தடவை.

    ‘எத்தனை தவணைதான் இந்தப் படத்தைப் பார்ப்பது?’

  • 5

    இலங்கைத் தமிழ் வழக்கு அமர்வு.

    ‘நாடாளுமன்றத்தை இன்னொரு தவணைக்குத் தொடர்வதற்கான தீர்மானம்’

  • 6

    இலங்கைத் தமிழ் வழக்கு ஒத்திவைப்பு.

    ‘நீதிமன்றத்தில் இந்த முறை சமுகமளிக்க முடியாதபடி இருந்ததால் தவணை கேட்கும்படி சட்டத்தரணியிடம் கூறினேன்’