தாக்கு -க்காக தமிழ்

இல் உள்ள முக்கிய விளக்கங்கள் : தாக்கு1தாக்கு2

தாக்கு1

வினைச்சொல்

  • 1

    (ஒருவரை) அடித்தல், வெட்டுதல் போன்றவற்றால் பாதிப்பு ஏற்படுத்துதல்.

    ‘கத்தி, அரிவாளோடு வந்த கும்பல் அவரைச் சூழ்ந்துகொண்டு தாக்கியது’

  • 2

    (விலங்கு, பூச்சி போன்றவை) உடலுக்கும் உயிருக்கும் பாதிப்பு விளைவித்தல்.

    ‘காட்டுக்குள் தனியே சென்றவனைக் கரடி தாக்கியது’
    ‘கூட்டமாக வரும் யானைகள் யாரையும் தாக்காது’
    ‘தேனடையில் கைவைத்தால் தேனீக்கள் கூட்டமாக வந்து தாக்கும்’

  • 3

    (புயல், வெள்ளம், பூகம்பம் போன்ற இயற்கைச் சக்திகள்) நாசம் விளைவித்தல்.

    ‘சுனாமி தாக்கிய நாகைப் பகுதிகளில் ஆயிரத்துக்கும் மேற்பட்டோர் உயிரிழந்தனர்’
    ‘காஷ்மீரில் மீண்டும் பூகம்பம் தாக்கும் என்ற அச்சம் மக்களிடையே நிலவுகிறது’
    ‘வேகமாகத் தாக்கிய அலை படகைக் கவிழ்த்தது’

  • 4

    (ஒருவரின் மேல் மின்சாரம்) பாய்தல்.

    ‘அறுந்து கிடந்த கம்பியின் மேல் கால் வைத்தவர் மின்சாரம் தாக்கி இறந்தார்’

  • 5

    (ஒரு நாட்டின் ராணுவம் மற்றொரு நாட்டுக்கு) சேதம் விளைவிக்கும் நடவடிக்கையில் ஈடுபடுதல்.

    ‘எதிரி விமானங்கள் குண்டு வீசி எல்லை ஓரப் பகுதியைத் தாக்கின’

  • 6

    (பேச்சில் அல்லது எழுத்தில்) குற்றம்குறைகளைக் கூறிக் கடுமையாக விமர்சித்தல்.

    ‘தலைவரைத் தாக்கிப் பேசுமளவுக்குக் கட்சியில் அதிருப்தி நிலவுகிறது’
    ‘அந்தப் பத்திரிகை ஆளும் கட்சியைத் தொடர்ந்து தாக்கி எழுதிவருகிறது’

  • 7

    (நோய், விஷ வாயு முதலியவை) பாதித்தல்.

    ‘கிணற்றில் இறங்கியவர் விஷ வாயு தாக்கி மயக்கமுற்றார்’
    ‘நெற்பயிரைச் சுருட்டை நோய் தாக்கியுள்ளது’
    ‘இடி தாக்கிப் பத்து ஆடுகள் இறந்தன’

தாக்கு -க்காக தமிழ்

இல் உள்ள முக்கிய விளக்கங்கள் : தாக்கு1தாக்கு2

தாக்கு2

வினைச்சொல்

இலங்கைத் தமிழ் வழக்கு
  • 1

    இலங்கைத் தமிழ் வழக்கு புதைத்தல்.

    ‘குடிநிலத்துக்குள் செத்த மிருகங்களைத் தாக்கக் கூடாது’