தமிழ் திணி யின் அர்த்தம்

திணி

வினைச்சொல்

  • 1

    (பெட்டி, பை முதலியவற்றின் கொள்ளளவுக்கு மேல் பொருளை) ஒழுங்கற்ற முறையில் நுழைத்து வைத்தல்; (பொருளை) சீரற்ற விதத்தில் அடைத்தல்.

    ‘இந்தச் சின்னப் பெட்டிக்குள் இவ்வளவு துணியையும் திணிக்கப் போகிறாயா?’
    ‘குழந்தை லட்டை வாங்கி வாயில் திணித்துக்கொண்டது’
    ‘பணத்தை வாங்கிப் பையில் திணித்துக்கொண்டான்’

  • 2

    (ஒன்றை வைத்துக்கொள்ளுமாறு) வலிய அல்லது வலுக்கட்டாயமாகக் கொடுத்தல்.

    ‘‘செலவுக்கு வைத்துக்கொள்’ என்று கூறி நூறு ரூபாயை என் கையில் திணித்தார்’
    ‘குழந்தையைத் தன் தங்கையின் கையில் திணித்துவிட்டு வேலைக்குச் சென்றாள்’

  • 3

    (விருப்பத்துக்கு மாறாக ஒருவர்மீது பொறுப்பு, கருத்து முதலியவற்றை) சுமத்துதல்; ஏற்கச் செய்தல்.

    ‘குழந்தைகள்மீது நம் கருத்துகளைத் திணிக்கக் கூடாது’
    ‘முதலமைச்சர் பதவி அவர்மீது திணிக்கப்பட்டது’
    ‘ஒவ்வொரு வருடமும் பொதுமக்கள் மீது புதிய வரிகள் திணிக்கப்படுகின்றன’
    ‘மக்கள் நலனுக்கு எதிரான சட்டங்களை அரசு அவர்கள் மீது திணிக்கக் கூடாது’