திரட்டு -க்காக தமிழ்

இல் உள்ள முக்கிய விளக்கங்கள் : திரட்டு1திரட்டு2

திரட்டு1

வினைச்சொல்

  • 1

    (பணம், தகவல், குறிப்பிட்ட பொருள் முதலியவற்றை) பலரிடமிருந்து அல்லது பல இடங்களிலிருந்து பெற்று ஒரு இடத்தில் சேர்த்துவைத்தல்; சேகரித்தல்.

    ‘தன் பாட்டனாரின் வாழ்க்கை வரலாற்றை எழுதப் பல செய்திகளைத் திரட்டிவருகிறார்’
    ‘கட்சித் தொண்டர்கள் தேர்தலுக்கு நிதி திரட்டுகிறார்கள்’
    ‘ஆயிரம் ரூபாய்கூட உன்னால் திரட்ட முடியவில்லையா?’
    உரு வழக்கு ‘தன் சக்தியையெல்லாம் திரட்டி எழுந்து நின்றான்’

  • 2

    (ஒரு நோக்கத்திற்காக ஆட்களை) ஒன்றுபடச் செய்தல்; கூட்டுதல்; (ஆட்களின் ஆதரவை) பெறுதல்.

    ‘அநீதிகளை எதிர்த்துப் போராட மக்களைத் திரட்டுவோம்’
    ‘ஆட்களைத் திரட்டிக்கொண்டு அடிக்க வந்துவிட்டான்’
    ‘அணு ஆயுத ஒழிப்பிற்கு உலக மக்களிடையே ஆதரவு திரட்ட வேண்டும்’

  • 3

    பேச்சு வழக்கு (சாணம் முதலியவற்றை) சேர்த்து உருட்டுதல்.

    ‘சாணத்தைத் திரட்டிக் கூடையில் வைத்தாள்’

திரட்டு -க்காக தமிழ்

இல் உள்ள முக்கிய விளக்கங்கள் : திரட்டு1திரட்டு2

திரட்டு2

பெயர்ச்சொல்

  • 1

    (பாடல், கட்டுரை முதலியவற்றின்) தொகுப்பு.

    ‘தனிப்பாடல் திரட்டு’
    ‘கட்டுரைத் திரட்டு’