திரள்-க்காக தமிழ்

இல் உள்ள முக்கிய விளக்கங்கள் : திரள்1திரள்2திரள்3

திரள்1

வினைச்சொல்

  • 1

    (ஓர் இடத்தில் மக்கள்) பெருமளவில் கூடுதல்.

    ‘தேர் இழுக்க பக்தர்கள் திரண்டனர்’
    ‘அதிகாரியை வழி அனுப்பிவைக்க ஊரே திரண்டுவிட்டது’

  • 2

    (கண்ணீர், வெண்ணெய் முதலியவை சிறுகச்சிறுகச் சேர்ந்து) ஒன்றாதல்.

    ‘கண்களில் கண்ணீர் திரண்டு நின்றிருந்தது’
    ‘கரும்புச் சாற்றைக் காய்ச்சும்போது விரைவில் வெல்லம் திரளாது’
    ‘வெண்ணெய் திரண்டு வரும்போது பானை உடைந்ததுபோல் அல்லவா ஆகிவிட்டது!’

  • 3

    (கடுமையான உடற்பயிற்சி செய்வதால் தசைகள்) புடைத்தும் இறுகியும் வலிமையோடும் காணப்படுதல்.

    ‘மல்யுத்த வீரரின் புஜங்கள் திரண்டு பெருத்திருந்தன’

திரள்-க்காக தமிழ்

இல் உள்ள முக்கிய விளக்கங்கள் : திரள்1திரள்2திரள்3

திரள்2

வினைச்சொல்

வட்டார வழக்கு
  • 1

    வட்டார வழக்கு (பெண்) பருவமடைதல்.

    ‘உன் பெண் திரண்டுவிட்டாளா?’

திரள்-க்காக தமிழ்

இல் உள்ள முக்கிய விளக்கங்கள் : திரள்1திரள்2திரள்3

திரள்3

பெயர்ச்சொல்

  • 1

    (ஓர் இடத்தில் பலர்) ஒன்று கூடிய நிலை; கூட்டம்.

    ‘கடற்கரையில் ஒரே ஜனத் திரள்’
    ‘பெரும் திரளான மாணவர்கள் பொருட்காட்சிக்கு வந்திருந்தனர்’

  • 2

    (ஒரு பொருளின்) திரண்ட நிலை; (பலவற்றின்) நெருக்கமான தொகுதி.

    ‘சதைத் திரள்’
    ‘வெண்ணெய்த் திரள்’