தமிழ் திருத்து யின் அர்த்தம்

திருத்து

வினைச்சொல்

  • 1

    (பேச்சு, எழுத்து ஆகியவற்றில் உள்ள) பிழைகளை நீக்கிச் சரிசெய்தல்.

    ‘அவர் என் ஆங்கில உச்சரிப்பைத் திருத்தினார்’
    ‘கட்டுரையில் எழுத்துப் பிழைகளை மட்டும் திருத்தினால் போதாது’

  • 2

    (தவறு செய்யும் அல்லது தவறான வழியில் செல்லும் ஒருவரை) நல்ல வழியில் நடக்கச் செய்தல்.

    ‘‘உன்னைத் திருத்தவே முடியாது’ என்று நண்பன் திட்டினான்’
    ‘குற்றவாளியைத் திருத்திவிடலாம் என்ற நம்பிக்கை எனக்கு உண்டு’

  • 3

    (தேர்வுத்தாளை) சரிபார்த்து மதிப்பிடுதல்.

    ‘விடைத்தாள்களை ஒரு வாரத்திற்குள் திருத்தி அனுப்ப வேண்டும்’

  • 4

    (சட்டம், தீர்மானம் முதலியவற்றை) திருத்தங்கள் செய்து மாற்றியமைத்தல்.

    ‘விற்பனை வரிச் சட்டத்தைத் திருத்த ஒரு குழு அமைக்கப்பட்டது’

  • 5

    (உடை, தலை முடி ஆகியவற்றை) சீர்படுத்துதல்; சீராக்குதல்.

    ‘முடி திருத்தும் நிலையம்’

  • 6

    (நிலத்தை) பயிர் செய்வதற்கு ஏற்ற வகையில் வெட்டியும் கொத்தியும் சீர்படுத்துதல்.

    ‘மனிதன் காட்டைத் திருத்தி நாடு நகரங்களை உருவாக்கினான்’