துண்டு -க்காக தமிழ்

இல் உள்ள முக்கிய விளக்கங்கள் : துண்டு1துண்டு2

துண்டு1

பெயர்ச்சொல்

  • 1

    முழுதாக இருக்கும் ஒன்றிலிருந்து நறுக்குதல், வெட்டுதல், அரிதல் போன்ற செயல்களின் மூலம் கிடைக்கும் சிறிய பகுதி.

    ‘அலமாரி ஆடாமல் இருக்கக் கீழே ஒரு மரத் துண்டை வைத்தான்’
    ‘இறைச்சியைத் துண்டுதுண்டாக நறுக்கி வைத்தாள்’
    ‘மாம்பழத்தில் எனக்கும் ஒரு துண்டு கொடு’

  • 2

    (பீடி போன்றவற்றைக் குறிக்கும்போது) உபயோகப்படுத்தியது போக எஞ்சியிருக்கும் சிறு பகுதி.

    ‘பெட்டிக்கடைக்கு முன் நிறைய சிகரெட் துண்டுகள் கிடந்தன’

  • 3

    சிறிய அளவு.

    ‘துண்டு நிலம்’
    ‘துண்டுக் காகிதம்’
    ‘துண்டுச் சீட்டு’

துண்டு -க்காக தமிழ்

இல் உள்ள முக்கிய விளக்கங்கள் : துண்டு1துண்டு2

துண்டு2

பெயர்ச்சொல்

  • 1

    (துடைக்க, துவட்டப் பயன்படும்) செவ்வக வடிவத் துணி.

    ‘இடுப்பில் துண்டைக் கட்டிக்கொண்டு குளிக்கப்போனார்’
    ‘துண்டைத் தலைப்பாகையாகக் கட்டிக்கொண்டு தோட்ட வேலையில் இறங்கினார்’