துணி -க்காக தமிழ்

இல் உள்ள முக்கிய விளக்கங்கள் : துணி1துணி2

துணி1

வினைச்சொல்

  • 1

    (பயமோ தயக்கமோ இல்லாமல் ஒன்றைச் செய்ய) தைரியம் கொள்ளுதல்/தைரியத்துடன் (ஒன்றை) எதிர்கொள்ள அல்லது செய்ய முன்வருதல்.

    ‘பயங்கரவாதிகளுக்கு எதிராகச் சாட்சி சொல்ல எவரும் துணிவதில்லை’
    ‘வருவது வரட்டும் என்று துணிந்து சொந்தமாகத் தொழிலை ஆரம்பித்துவிட்டேன்’
    ‘காதல் கடிதம் எழுதித் துணிந்து பக்கத்து வீட்டுப் பெண்ணிடம் கொடுத்துவிட்டான்’

துணி -க்காக தமிழ்

இல் உள்ள முக்கிய விளக்கங்கள் : துணி1துணி2

துணி2

பெயர்ச்சொல்

  • 1

    (உடை தைக்க அல்லது விரிப்பு, போர்வை போன்றவையாகப் பயன்படுத்த) பருத்தி, கம்பளி, பட்டு முதலியவற்றின் நூலால் அல்லது செயற்கை இழையால் நெய்யப்பட்ட பொருள்.

    ‘மகளின் பிறந்தநாளுக்குப் புதுத் துணி எடுக்க வேண்டும்’
    ‘மெத்தை விரிப்பு தைக்கத் துணி வாங்கியிருக்கிறேன்’
    ‘துணிக் கடை’

  • 2

    (பெரும்பாலும் பன்மையில்) தைக்கப்பட்ட உடை, பயன்படுத்தும் விரிப்பு முதலியவை.

    ‘சலவைக்குப் போட்ட துணிகளை வாங்கிவிட்டாயா?’
    ‘துவைத்த துணிகளைக் காயப்போடு’