தெளி-க்காக தமிழ்

இல் உள்ள முக்கிய விளக்கங்கள் : தெளி1தெளி2

தெளி1

வினைச்சொல்

  • 1

    (திரவத்தில் கலந்துள்ள அழுக்கு, கசடு முதலியவை அடியில் தங்கிவிடுவதால் திரவம்) கலங்கிய நிலையிலிருந்து மாறுதல்.

    ‘கலங்கிய நீரை முதலில் தெளியவை’
    ‘தெளிந்த ரசமாகக் கொஞ்சம் ஊற்று’

  • 2

    (தூக்கம், போதை முதலியவை) நீங்குதல்; முழுதாகச் சுய உணர்வை அடைதல்.

    ‘படுக்கையிலிருந்து எழுந்தவன் தூக்கக் கலக்கம் தெளியாமல் திருதிருவென்று விழித்தான்’
    ‘சாலையில் விழுந்துகிடந்தவனின் மயக்கம் தெளிவதற்காக முகத்தில் தண்ணீரைத் தெளித்தார்கள்’

  • 3

    பேச்சு வழக்கு (மனநிலை பிறழ்ந்தவர்) குணமடைதல்.

    ‘அவருக்குப் பைத்தியம் தெளிந்துவிட்டதா?’
    உரு வழக்கு ‘அவனுடைய காதல் பைத்தியம் சீக்கிரம் தெளிந்துவிடும்’

  • 4

    உயர் வழக்கு (சந்தேகம், குழப்பம் முதலியவை நீங்கி ஒன்றை) நன்றாக அறிதல்.

    ‘சான்றுகளைக் கொண்டு எடுத்த முடிவு சரி என்று தெளியலாம்’

தெளி-க்காக தமிழ்

இல் உள்ள முக்கிய விளக்கங்கள் : தெளி1தெளி2

தெளி2

வினைச்சொல்

  • 1

    (திரவங்களை அல்லது பொடியாக உள்ள உரம் போன்றவற்றைக் கையால் அல்லது ஒரு சாதனத்தால்) பரவலாக விழச் செய்தல்.

    ‘திருமணத்துக்கு வருபவர்களைப் பன்னீர் தெளித்து வரவேற்பார்கள்’
    ‘வாசலுக்கு நீர் தெளித்துக் கோலம் போடு’
    ‘வயலுக்குப் பூச்சிமருந்து தெளிக்க வேண்டும்’

  • 2

    (வயலில் விதை) விதைத்தல்.

    ‘வயலில் உளுந்து தெளிக்க வேண்டும்’