தமிழ் தெளிவு யின் அர்த்தம்

தெளிவு

பெயர்ச்சொல்

  • 1

    மறைவு எதுவும் இல்லாமல் பார்க்கக்கூடிய அல்லது தடை எதுவும் இல்லாமல் கேட்கக்கூடிய நிலை.

    ‘வானம் தெளிவாக இருக்கிறது’
    ‘அடுத்த அறையில் அவர் இருந்தாலும் அவர் பேசியது எனக்குத் தெளிவாகக் கேட்டது’
    ‘தெளிவான குரல்’

  • 2

    குழப்பம், சந்தேகம் முதலியவை இல்லாத அல்லது நீங்கிய நிலை.

    ‘இன்றைய இளைஞர்கள் தங்கள் எதிர்காலத்தைப் பற்றித் தெளிவாக இருக்கிறார்கள்’
    ‘நீங்கள் சொல்வது எனக்கு விளங்கவில்லை. இன்னும் சற்றுத் தெளிவாக விளக்க முடியுமா?’
    ‘காடுகள் அதிக அளவில் அழிக்கப்படுகின்றன என்பது தெளிவு’

  • 3

    (களைப்பு, பயம், நோய் முதலியவற்றின் அறிகுறிகள் நீங்கிவிட்ட பின் முகத்தில் தெரியும்) பொலிவு.

    ‘நோயின் ஆபத்தான கட்டம் தாண்டிவிட்டது என்று மருத்துவர் கூறிய பிறகுதான் அவர் முகத்தில் சற்றுத் தெளிவு பிறந்தது’

  • 4

    (ஒன்றுக்கே உரிய) ஒழுங்குமுறை.

    ‘அவன் எந்த வேலையையும் தெளிவாகச் செய்வான்’
    ‘செய்யும் வேலையில் ஒரு தெளிவு வேண்டும் என்று அப்பா கூறினார்’