தொகை-க்காக தமிழ்

இல் உள்ள முக்கிய விளக்கங்கள் : தொகை1தொகை2

தொகை1

பெயர்ச்சொல்

  • 1

    குறிப்பிட்ட அளவில் இருக்கும் பணம்.

    ‘இவ்வளவு பெரிய தொகையைக் கடனாகக் கேட்டால் நான் எப்படித் தர முடியும்?’
    ‘லாபத் தொகை’

  • 2

    மொத்த எண்ணிக்கை அல்லது அளவு.

    ‘நமது கட்சியில் சேர்வோரின் தொகை நாளுக்கு நாள் வளர்ந்துவருவது கண்டு மகிழ்ச்சியடைகிறேன்’
    ‘சுனாமியால் பாதிக்கப்பட்ட கால்நடைகளின் தொகை ஆயிரத்திற்கும் அதிகம்’
    ‘இலக்கியக் கூட்டத்தில் சிறு தொகையினரே கலந்துகொண்டனர்’

  • 3

    உயர் வழக்கு தொகுக்கப்பட்டது.

    ‘சங்க நூல்கள் பெரும்பாலும் தொகை நூல்களே’

  • 4

    இலங்கைத் தமிழ் வழக்கு கணிசமான அளவு.

    ‘சந்தைக்குப் போனால் தொகையாக வெற்றிலை வாங்கிக்கொண்டு வா’
    ‘காணி பூராவும் குப்பை தொகையாகக் கிடக்கிறது’

தொகை-க்காக தமிழ்

இல் உள்ள முக்கிய விளக்கங்கள் : தொகை1தொகை2

தொகை2

பெயர்ச்சொல்

இலக்கணம்
  • 1

    இலக்கணம்
    ஒரு பெயர்ச்சொல் மற்றொரு சொல்லோடு ஒட்டிநின்று ஒரு பெயர்த்தொடரை அமைத்து அவை கொண்டுள்ள தொடர்பைக் காட்டுவதற்கு உரிய உருபு, இடைச்சொல் முதலியவை இல்லாமல் இணைந்திருக்கும் கூட்டுநிலை.

    ‘‘தங்கத்தட்டு’ என்பது ஒரு தொகைச்சொல்’

  • 2

    இலக்கணம்
    சொல்லின் நேர் பொருளே அல்லாமல் அதனோடு தொடர்புடைய ஒரு அம்சத்தினால் மற்றொரு பொருளும் தொக்கிநிற்பது.