நகர்-க்காக தமிழ்

இல் உள்ள முக்கிய விளக்கங்கள் : நகர்1நகர்2

நகர்1

வினைச்சொல்

  • 1

    மெதுவாக இடம் விட்டு இடம்பெயர்தல்; மெள்ளப் போதல்.

    ‘இருநூறு பேர் இழுத்தும் தேர் நகரவில்லை’
    ‘பேருந்து நகரத் தொடங்கியதும் தாவி ஏறிக்கொண்டான்’
    ‘காற்றழுத்தத் தாழ்வு மண்டலம் தென்மேற்குத் திசையை நோக்கி நகரக் கூடும்’
    ‘படகு மெதுவாக நகர ஆரம்பித்தது’

  • 2

    (இருக்கும் இடத்திலிருந்து) சற்று விலகுதல்; அகலுதல்; ஒதுங்குதல்.

    ‘கொஞ்சம் நகர்ந்து நில்’
    ‘முதியவர் வருவதைக் கண்டதும் அவள் நகர்ந்து வழி விட்டாள்’
    ‘சற்று நகர்ந்து உட்கார்’
    ‘மேஜையை விட்டு நகர்ந்து ஜன்னலின் அருகே போனான்’

  • 3

    (காலத்தைக் குறித்து வரும்போது) மெதுவாகக் கழிதல்.

    ‘எந்த வித மாற்றமும் இன்றி ஆண்டுகள் நகர்ந்தன’
    ‘நேரம் ஏன் இப்படி ஆமைபோல் நகர்கிறது என்று அவன் சலித்துக்கொண்டான்’
    ‘இந்தக் கிராமத்தில் வாழ்க்கை எளிமையாக நகர்ந்துகொண்டிருக்கிறது’

  • 4

    (கதை, நாவல், திரைப்படம் போன்றவை) ஒரு கட்டத்திலிருந்து அடுத்த கட்டத்திற்குச் செல்லுதல்.

    ‘இந்த நாவலின் இரண்டாவது பகுதி நகர மாட்டேன் என்கிறது’
    ‘இந்தத் திரைப்படத்தின் கதை சுவாரஸ்யமாக நகர்கிறது’

நகர்-க்காக தமிழ்

இல் உள்ள முக்கிய விளக்கங்கள் : நகர்1நகர்2

நகர்2

பெயர்ச்சொல்

  • 1

    நகரம்.

    ‘நகரின் சில பகுதிகளில் கடுமையான தண்ணீர்த் தட்டுப்பாடு நிலவுகிறது’
    ‘நடிகர் காலமான செய்தி நகர் முழுதும் விரைவாகப் பரவியது’
    ‘நெய்வேலி நகர் திட்டமிட்டு வடிவமைக்கப்பட்டது ஆகும்’

  • 2

    (ஒரு பெயருடன் இணைக்கப்படும்போது) குடியிருப்புப் பகுதி.

    ‘காந்தி நகர்’
    ‘திருவள்ளுவர் நகர்’
    ‘பாரதி நகர்’