தமிழ் நல்ல யின் அர்த்தம்

நல்ல

பெயரடை

  • 1

    (மனிதர்களிடம்) எதிர்பார்க்கப்படும் ஒழுங்கு, முறை முதலியவை கொண்டு அமைந்த/(பிறவற்றில்) மகிழ்ச்சியையும் மன நிறைவையும் தரக்கூடிய தன்மை கொண்ட.

    ‘நல்ல பையன்’
    ‘நல்ல பெண்’
    ‘நல்ல அதிகாரி’
    ‘நல்ல இசை’
    ‘நல்ல சாப்பாடு’
    ‘நல்ல வீடு’

  • 2

    நன்மை விளைவிக்கும்.

    ‘நல்ல சகுனம்’
    ‘நல்ல எண்ணம்’
    ‘நல்ல செய்தி’
    ‘நாளைக்கு நல்ல நாள்; நீ வியாபாரத்தைத் தொடங்கலாம்’
    ‘தானியத்தைச் சந்தையில் விற்றால் நல்ல விலை கிடைக்கும்’
    ‘இந்த மாதத்தில் 10, 19, 28 ஆகியவை நல்ல தேதிகளாகும்’
    ‘துணிச்சலும் போராடும் குணமும் உள்ள இளைஞர்களுக்கு நல்ல எதிர்காலம் காத்திருக்கிறது’

  • 3

    (நடத்தை, செயல்பாடு முதலியவற்றைக் குறித்து வரும்போது) தீயதாக இல்லாத; பாராட்டத் தகுந்த.

    ‘நல்ல குணம்’
    ‘நல்ல பழக்கம்’
    ‘நல்ல பெயர்’

  • 4

    குறைகள் இல்லாத; பயன்பாட்டுக்கு ஏற்ற தன்மை கொண்ட.

    ‘நல்ல காற்று’
    ‘நல்ல காய்கறி’
    ‘நல்ல பேனா’

  • 5

    சரியான; பொருத்தமான.

    ‘நல்ல சமயத்தில் வந்து சேர்ந்தாய்’

  • 6

    இயல்பான அளவுக்கும் அதிகமான.

    ‘நல்ல பசி’
    ‘நல்ல மழை’
    ‘ஆள் நல்ல உயரம்’

  • 7

    (கலை, இலக்கியம் முதலியவற்றைக் குறிப்பிடும்போது) சிறந்த.

    ‘புதுமைப்பித்தன் ஒரு நல்ல எழுத்தாளர்’
    ‘நல்ல திரைப்படங்கள் தமிழில் எப்போதாவதுதான் வருகின்றன’
    ‘பிரமாதம் என்று சொல்ல முடியாவிட்டாலும் மொத்தத்தில் நல்ல கச்சேரிதான்’

  • 8

    குறிப்பிடத்தக்க வகையிலான.

    ‘பதினாறாம் நூற்றாண்டிலேயே இந்த இசைக்கு நல்ல மதிப்பு ஏற்பட்டுவிட்டது’
    ‘இந்தப் பூங்காக்கள் குழந்தைகளுக்கு நல்ல பொழுதுபோக்காக விளங்குகின்றன’