நீள்-க்காக தமிழ்

இல் உள்ள முக்கிய விளக்கங்கள் : நீள்1நீள்2

நீள்1

வினைச்சொல்

  • 1

    (ஒரு பொருள்) இருக்கும் அளவிலிருந்து நீளமாக ஆதல்.

    ‘முதலில் தோன்றும் வேர் நீண்டு ஆழமாகச் செல்வதால் தாவரம் உறுதியாக ஊன்றி நிற்க முடிகிறது’
    ‘தண்டுப்பகுதி குறுகி நீண்டு வளரும்’
    ‘பழுக்கக் காய்ச்சி அடித்தால்தான் கம்பி நீளும்’
    ‘இழுத்தால் நீளுவது ரப்பரின் இயல்பு’

  • 2

    (தலை, கை, கால் போன்ற உடல் உறுப்பு) இருக்கும் நிலையிலிருந்து முன்னோக்கி எழுதல் அல்லது மேலெழுதல்.

    ‘பையிலிருந்து காசை எடுப்பதற்குள் பல பிச்சைக்காரர்களின் கரங்கள் நீண்டன’
    ‘புற்றிலிருந்து பாம்பின் தலை மெதுவாக நீண்டது’

  • 3

    (கால அளவில் ஒரு செயல் அல்லது நிகழ்வு) அதிகரித்தல்; தொடர்தல்.

    ‘நன்றியுரை நீண்டுகொண்டே போனதில் கூட்டம் முடிய நேரமாகிவிட்டது’
    ‘நான் எதிர்பார்த்ததைவிடக் கட்டுரை அதிகமாக நீண்டுவிட்டது’
    ‘குளிர் காலத்தில் பகல் குறைந்தும் இரவு நீண்டும் இருக்கும்’

நீள்-க்காக தமிழ்

இல் உள்ள முக்கிய விளக்கங்கள் : நீள்1நீள்2

நீள்2

பெயரடை

  • 1

    (பெரும்பாலும் வடிவங்களைக் குறிக்கும் சொற்களுக்கு அடையாக வரும்போது) பக்கவாட்டில் நீண்டு செல்கிற.