தமிழ் நிதானம் யின் அர்த்தம்

நிதானம்

பெயர்ச்சொல்

  • 1

    (செயல்படுவதில்) பரபரப்போ அவசரமோ இல்லாத நிலை.

    ‘பணத்தைக் காணவில்லையா? நிதானமாகத் தேடிப்பார்’
    ‘குடும்பப் பிரச்சினையைப் பற்றி நிதானமாக யோசி’
    ‘வீட்டின் உள்ளே வந்து நிதானமாகக் கதவைச் சாத்தினார்’
    ‘இவ்வளவு வேகமாகச் சொன்னால் என்னால் எழுத முடியாது. நிதானமாகச் சொல்’

  • 2

    (ஒருவர்) கட்டுப்பாட்டோடு செயல்படும் இயல்பு; சுய உணர்வோடு செயல்படும் விதம்.

    ‘சைக்கிளில் வந்தவர் மாடு ஓடிவந்ததைக் கண்டதும் நிதானம் இழந்து கீழே விழுந்தார்’
    ‘அப்பா கோபத்தில் நிதானம் இழந்து பேசிவிட்டார்’

  • 3

    கூடுதலாகவோ குறைவாகவோ இல்லாத நிலை.

    ‘அடுப்பு நிதானமாக எரிகிறது’
    ‘குழம்புக்கு உப்பு நிதானமாகப் போடு’
    ‘நிதானமான தீயில் உப்புமா அடிபிடிக்காமல் கிளற வேண்டும்’