தமிழ் நினைவு யின் அர்த்தம்

நினைவு

பெயர்ச்சொல்

  • 1

    (ஒன்றை அல்லது ஒருவரைப் பற்றி) மனத்தில் தங்கியிருக்கும் பதிவுகள்; ஞாபகம்.

    ‘உங்களை எங்கோ பார்த்ததாக நினைவு’
    ‘என்னிடம் பணம் வாங்கியது உனக்கு நினைவு இல்லையா?’
    ‘உனக்கு எப்போதும் பிறந்த வீட்டு நினைவுதானா?’
    ‘அவளுடைய அழகிய முகம் நினைவிற்கு வந்தது’
    ‘தேசியத் தலைவரின் நினைவாக அஞ்சல் தலை வெளியிடப்படும்’

  • 2

    மனத்தில் ஒன்றைப் பதிவாக இருத்திக்கொள்ளும் இடம்.

    ‘நான் சொல்வதை நன்றாக நினைவில் வைத்துக்கொள்’
    ‘அவர் சொன்னது எதுவும் இப்போது என் நினைவில் இல்லை’

  • 3

    சுய உணர்வு; பிரக்ஞை.

    ‘பெரியவர் நினைவு இல்லாமல் கிடக்கிறார்’