பச்சை -க்காக தமிழ்

இல் உள்ள முக்கிய விளக்கங்கள் : பச்சை1பச்சை2பச்சை3

பச்சை1

பெயர்ச்சொல்

  • 1

    இலை, புல் போன்றவற்றில் உள்ளது போன்ற நிறம்.

பச்சை -க்காக தமிழ்

இல் உள்ள முக்கிய விளக்கங்கள் : பச்சை1பச்சை2பச்சை3

பச்சை2

பெயர்ச்சொல்

  • 1

    (உணவாகும் பொருள்களைக் குறித்து வரும்போது) வேகவைத்தல், சுடவைத்தல் போன்ற எந்த விதத் தயாரிப்புக்கும் உள்ளாகாத நிலை.

    ‘பாகற்காயை அவர் பச்சையாகவே சாப்பிடுவார்’
    ‘பச்சை மீனைச் சாப்பிட முடியாது’
    ‘பச்சை வேர்க்கடலை’

  • 2

    காய்ந்துபோகாமல் ஈரப்பதத்துடன் அல்லது பசுமை மாறாமல் இருக்கிற நிலை.

    ‘பச்சைக் களிமண்ணில்தான் பொம்மை செய்ய முடியும்’
    ‘பச்சை மூங்கில்’

பச்சை -க்காக தமிழ்

இல் உள்ள முக்கிய விளக்கங்கள் : பச்சை1பச்சை2பச்சை3

பச்சை3

பெயர்ச்சொல்

  • 1

    (ஒளிவுமறைவோ நயமோ இல்லாத) வெளிப்படை.

    ‘ஏன் இப்படி முட்டாள்தனமாக நடந்துகொள்கிறீர்கள் என்று அவரிடம் பச்சையாகக் கேட்டு விடப்போகிறேன்’
    ‘பச்சையாகச் சொல்வதென்றால் அவர் ஒரு சந்தர்ப்பவாதி’
    ‘‘நீ ஒரு அயோக்கியன்’ என்று பச்சையாகவே சொல்லிவிடப்போகிறேன்’

  • 2

    (பெயரடையாக வரும்போது) ‘பின்னால் குறிப்பிடப்படும் தன்மையை அல்லது நிலையை முற்றிலுமாகக் கொண்ட’ என்னும் பொருளில் பயன்படுத்தும் சொல்; சுத்தம்.

    ‘பச்சைப் பொய்’
    ‘பச்சைத் தமிழர்’
    ‘பச்சைப் புளுகு’

  • 3

    (பேச்சு, எழுத்து குறித்து வரும்போது) ஆபாசம்.

    ‘சில சந்தர்ப்பங்களில் அவன் பச்சையாகப் பேசுவான்; சகிக்க முடியாது’
    ‘இளைஞர்களைக் கெடுக்கிறோம் என்ற உணர்வே இல்லாமல் பச்சையாக எழுதுகிறார்கள்’

  • 4

    இலங்கைத் தமிழ் வழக்கு மோசமான.

    ‘பச்சைக் கள்ளன்’
    ‘பச்சைக் கள்ளி’

  • 5

    இலங்கைத் தமிழ் வழக்கு கடுமையான தன்மை.

    ‘பச்சைப் புளிப்பு’
    ‘பச்சை உறைப்பு’